第30款：基本法國辮孖辮
左右各一條基本法國辮，由頭頂開始，每一組都由左右兩邊加入頭髮，
一直編到所有頭髮都加入成辮，最後以三手嬪辮編到尾。
秘訣：
1) 要編得夠實先不會太容易散，所以每編一組之後就要拉緊頭髮，
拉的時候要看清楚頭髮紋理，避免拉得太緊，條辮會不夠平順。
2) 另外，每邊加入頭髮要平均，避免一次加太多，會令法國辮側向一邊，
太少又會令條辮細節不夠漂亮。
3) 要編得好看，只有一個秘訣：練習練習練習加練習
Saturday, June 4, 2011
第32款：前陰法國辮半花冠變化款 French Braid Band Variation
第32款：前陰法國辮半花冠變化款
這一款都算有少少難，但整完之後好可愛。
先由左邊前方頭髮開始紥四手法國辮，由前面加入頭髮，
要織得貼近前面髮腳，一路織到耳仔對上改成三手嬪辮編到尾，以橡筋綁緊。
揭起後面一部份頭髮，再以兩個髮夾交叉固定條三手辮於腦後，
再將揭起嘅頭髮放下，遮住髮夾。
Friday, June 3, 2011
第29款：半法國辮垂掛效果 Half French Braid Curtain
第29款：半法國辮垂掛效果
四手法國辮，只由上面加入頭髮，做成頭髮垂掛的效果，
我女梳側邊界，所以我左邊嬪一條，右邊就一上一下嬪兩條，
任由三條辮仔垂落膊頭。
秘訣：因為由上而加入頭髮，要注意力道平均和加入頭髮量一致，
做出來的髮型才會平伏，另外，編的位置不要太高，
因為要有垂掛的視覺效果，太高的話嬪辮和髮線中間，
就沒有足夠頭髮長度去展現垂掛效果。
第28款：超簡單S型低馬尾 Simple "S" Ponytail
第28款：超簡單S型低馬尾
1分鐘唔駛就完成，零難度的簡單S型低馬尾，
不用識紥三手四手五手辮，完全不複雜。
要準備幾個綁頭髮的髮圈，最好是不同顏色或顏色鮮艷的，
我用了幾個家中現成有的顏色髮圈做示範，方便大家清楚瞭解。
其實可以用髮珠、絲帶、或者毛毛球都好看。
方法非常簡單，將頭髮分成四份，分別為上左、上右、下左、下右，
我由側邊上右開始，把頭髮用髮圈綁成一條，
拉去另一邊加入上左的一份頭髮，再綁成一條，
再拉去下右方加入該份頭髮綁成一條，
最後拉去下左方加入最後一份頭髮綁一條就大功告成；
後面望就好似超人心口個S字母一樣。
整個過程簡單快捷，多少頭髮都不成問題，只要頭髮夠長就可以啦。
第26款：扭紋側髮髺 Twisted Side Bun
第26款：扭紋側髮髺
這是我今晚試整的一個髮型，想試為囡囡梳。
這個是兩手扭紋辮，開始時以兩手交叉扭實，
每扭一組就由下面加入一束頭髮，但依然是兩手交叉扭，
因為是扭紋辮沒有三手辮實淨，扭的時候一定要拉緊，
才不會紥完之後散開和太鬆。
去到右耳邊就拉緊，和餘下頭髮束成一個小髻，
將髮尾用髮叉固定入髮髺底部。
這個我覺得整得不太好，我會試完再貼過圖上來。
Thursday, June 2, 2011
第27款：扭紋法國辮加側辮
第27款：扭紋法國辮加側辮
這一款囡囡前日紥去返學，是第25款的小童版。
法國辮只由下面加入頭髮，去到一邊之後就綁成一條辮自然垂下，
因為囡囡頭髮太軟，又為了方便就她返學活動，所以就不以嬪辮收尾。
幸好囡囡放學睡完午覺，個髮型都沒有散。
第25款：單邊法國辮轉側大鬆辮 French Braid Side Braid
第25款：單邊法國辮轉側大鬆辮
都變化自第23款，將條三手辮解開，結成一條大鬆辮，
垂落在一邊膊頭，比較簡約輕鬆的紥法。
Wednesday, June 1, 2011
第23款：單邊法國辮轉三手辮 French Braid 3-Strand Braid
第23款：單邊法國辮轉三手辮
是我今日在公司無聊時紥的髮型，由左邊開始嬪向右邊，
和第21款打側法國辮盤髺相似，但不由兩面加入頭髮，
只抽下面的頭髮加入髮辮，上面的頭髮會顯得平滑，
該條法國辮望去就似一條花邊圍繞全個頭，
如果可以織得更貼下面就更靚，但我自己紥就看不到，
隻手有時又比較難去就，如果你們幫囡囡紮，
最好就盡量嬪貼髮腳會比較好看，編到去右面就續嬪成一條三手辮結尾。
第22款：簡單半牛角孖辮 Half Pigtails
第22款：簡單半牛角孖辮
俗稱小鹿純子辮，今日囡囡紥返學的髮型，
超級簡單但小朋友紥好可愛。
將前面兩邊頭髮由頭頂分界至兩邊耳仔對上，分別各紥一細條牛角辮即成。
這一個款我以前讀中學時常紥，當時有一套日本劇叫「排球女將」爆紅，
女主角小鹿純子（荒木由美子飾演）就集集都紥這款髮型，
學校當時10個長頭髮女生有7個會梳這款髮型，另外10個女生9個都學打排球。
不知道有沒有媽咪和我同年代，紥過這一款髮型，追看過「排球女將」呢？
Subscribe to:
Posts (Atom)