第143款：八爪魚反轉結 Flip Around Octopus

在深夜食堂實驗篇中有八爪魚小紅腸，那就應一下景，讓豬扒妹來一個八爪魚頭吧。

基本髮辮編法14：繩索辮 Rope Braid

這繩索辮Rope Braid是一個十分簡單的髮辮編法，但投巧可不是容易掌握，因為扭繩的動作做得不好，髮辮出來的效果就不工整了。

第133款：三手辮孖辮髮圈 Braid Rings

呢個係好容易，以前我係細路女時都幾興嘅紥法，就係梳兩條三手鬢辮之後幾兩條辮反番上去再綁實，要長同唔好太散頭髮至可以紥到好睇，豬扒妹頭髮夠長但唔算好齊，往往集鬢辮去到中間就開始幼身，條鬢辮頭同尾可以係粗幼差一半架。其實我都有D奇怪，點解咁易紥嘅我好似未用豬扒妹紥過。

第131款：法式孖辮馬尾French braids ponytail

其實呢款係無心插柳，幫豬扒妹梳辮有時係靈感所致，今次都係，因為豬扒妹對馬尾情有獨鍾，好多時都會叫我紥馬尾，但而家返學佢都仲會有午睡時間，紥馬尾好唔方便，而且紥咗等於冇紥，佢瞓覺一定會自己拆咗條辮，所以通常都會係周末至會幫佢紥馬尾。

第126款：小甜心髮式之10開心Open Heart

唔覺唔覺，小甜心髮式已經有10款啦，今次係反撲歸真，查實係懶，完全唔駛鬢辮，只係用一個topsy tail做少少變化，其實唔用都得，只係有少少過意唔去，好似有D欺場咁。

第119款：簡易拼髮蛇辮之3

2011年12月5日

哈哈，好耐冇寫幫豬扒妹紥頭髮，唔好以為我執咗呢一part，改做寫食譜，點捨得唔要呢一部份至得？一來呢個係我開始寫blog嘅動力，二來要改就會改埋個blog名，而家你仲見到《編織髮髻辮》就即係你冇去錯地方啦，三來豬扒妹頭髮長咗好多，唔紥都唔見得人，點可能會摺咗呢part喎。只係呢排多咗整嘢食，想留個紀錄，第二時想搵番個食譜都容易D，過時過節年尾流流又多咗嘢搞，所以就少咗兼顧紥辮呢部份。但我冇偷懶架，我有照影低D新髮型，只係要坐低睇番再整理吓至寫得出嚟見人。

呢一款同之前#107果款類似，都係用多條橡皮筋，以拼髮嘅方法將頭髮紥起。今次呢個同#107唔同嘅係方向，#107由少頭髮（左邊）開始，而條辮最後係喺右耳側邊；但今次#109呢個係由右邊出發，初初先束起前面少量頭髮，之後就續次加入右邊頭嘅頭髮，每次都將新加入頭髮拼合以橡皮筋束成一條新辮，如此類推直至去到右耳上方頭髮完全束起，之後就由左邊頭拉入頭髮，唔駛拉得位置太過，我今次係順住條辮方向打斜至左邊髮腳位置作結，加入頭髮嘅pattern係由左右兩邊同時加入，即係話每加入一份頭髮就會好似個V字打側咁，呢個就係同#107唔同嘅地方，而#107嘅pattern係幾乎垂直分開一份份。

第117款：雙四手辮拼馬尾

2011年10月8日

之前有講過點樣紥四手辮，唔好以為係紙上理論，真係紥到出嚟架，不過豬扒妹D頭髮唔係厚，又唔算好長，要紥四手辮馬尾只會係變成一條豬尾，所以就退而求其次，幫佢紥咗呢個兩條四手辮仔加馬尾。

第110款：蝴蝶結之2 Bow Hairstyle 2

2011年10月22日

事隔一個半月，豬扒妹依然好掛住個Bow Bow蝴蝶結，今日佢又話要梳個Bow喺頭，而家佢頭髮長咗少少，所以我試另一個紥法，就係將所有頭髮梳成馬尾，再用條馬尾整個Bow出嚟。

第108款：反轉結公主頭之2 Flip Knot half updo 2

2011年10月19日

第107款：簡單拼髮蛇辮之2

2011年10月11日

呢個係近期新作，簡單快趣又得意，因為豬扒妹成日都會玩到披頭散髮，太麻煩嘅甩咗老師唔知點幫佢紥番，所以都係整D簡單嘅，甩咗都唔太醜樣嘅就好。

我由少D頭果邊（左邊）開始，由頭前方抽一小束頭髮紥成一條小辮，跟住將耳後果D頭髮劃出加入之前條辮拼成一條新辮，之後就再加入後腦中間一大束頭髮，又束成一條辮，去到呢度應該只剩下右前方至耳後頭髮，我就將剩底嘅頭髮綁成一條辮仔於耳側，成個蛇辮就完成啦，成個過程只係紥4條辮，用4個橡皮筋，5分鐘都唔駛。

 

你睇到呢張相可能會問點解豬扒妹塊面會咁損晒，無他，兩兄妹打交，唔好以為哥哥蝦妹妹，其實好多時都係豬扒妹出手打哥哥先，哥哥痛唔抵得就還手，咁哥哥指甲長得快，成日都會抓損豬扒妹，不過你地唔好睇小呢個妹妹，佢好狼架，大巴掌打大腳伸，如果唔問清楚就怪哥哥就唔得架，次次我都會問清楚，然後兩個都要罰。希望兩個大咗唔會成日打交啦，其實佢地兩個好錫對方，唔見就會搵，有嘢食都會留對方一份架。聽過人講: "Brother and sister are the best friends and the best enemies"，完全切合。

第106款：懶人版瀑布辮之2 Simple Waterfall Braid 2

2011年8月21日

第105款：懶人版瀑布辮 Simple Waterfall Braid

2011年8月21日

正式瀑布髮辮我未喺呢度示範過，因為豬扒妹太active，我估喺學校唔夠幾個鐘就會散晒成隻顛雞仔咁，所以一直都冇話正式幫佢紥晒成個瀑布鬢辮，而家介紹呢個係懶人版，或者可以叫簡易版，因為唔駛鬢辮，時間會慳番唔少。

第101款：簡易拼髮蛇辮

第101款：簡易拼髮蛇辮

呢個係懶人版蛇辮，即係唔駛法國辮、三手辮，因為直情係唔駛鬢辮，只要大量橡皮筋，好似李太買嘅顏色橡皮筋就最好啦，因為將要用上十個八個，如果係五顏六色會靚好多，又或者你鍾意襯晒同一個色都得。

我由左邊開始，因為呢邊頭髮較少，喺前面抽出一束頭髮，以橡皮筋束好一條，之後沿住個頭頂加入頭髮，再拼束成一條條辮，每加入一束就束一次橡皮筋，去到個頭頂四分三時，條辮向下方，因為一來頭髮多咗（條辮太高唔靚又重），二來想條辮似條蛇，梳一個好似S型就比較似，所以去到個頭四分三處，我就將條辮向下梳。

呢個好易又好靚，你睇豬扒妹懶係嬌俏咁，所以話青春無敵呢。

P.S. Yahoo Blog 日日都係咁，已經預先加咗相入相薄，去到寫完字再add相，次次都唔得，要save完再edit，每次只加到一張相。呢個得三張相嘅post，我edit咗5次，第1次加唔到相，第2次加到一張相，要改番D行位，因為間隔太密，第3次加第二張相，第4次加唔到相，D字位又錯要再改，第5次加第三張相。你話係咪C得，我冇咁得閒坐喺度成大半個鐘寫一篇咁少嘅B，加果三張相。而家積埋積埋有一大堆相未寫到B，次次咁花時間真係好趕客，Yahoo Blog,如果你唔歡迎我就出聲啦，等我襯早搵過主好人家，而家唔湯唔水，整好少少又有新問題，舊嘅問題又仲存在，真係龜步upgrade。

第97款：反轉結公主頭（1級難度）5-10分鐘

第97款：反轉結公主頭（1級難度）5-10分鐘

2011年8月31日

李太開始有D精神分裂啦，一陣仲寫緊8月頭嘅款，一陣又去到9月，而家又返去8月尾，算啦，我有D款易整嘅好想快D介紹俾大家，另一D比較複雜嘅，要寫都要花D時間，所以又再跳返轉頭。

呢個髮型係屬於易紥嘅，如果你有Topsy Tail會易整D快D，冇嘅都冇問題，用幾隻手指都好易，只係Topsy Tail整出嚟會實D仔細D，我用呢套有兩個，一個大一個細，我同豬扒妹紥多數用細果個。

講番點紥，首先將兩邊頭頂頭髮劃分成六份，每邊由前到後各分三份。每一份以橡皮筋束成一條小辮，然後每一條小辮用Topsy Tail或手指由外向內將頭髮反入，形成一個反轉結（Flip around knot）。將六條小辮都做相同處理，既簡單又可愛，就算大人紥都OK架。

最近李太堂妹結婚去飲果晚日，豬扒妹都係紥咗類似嘅髮型，不過唔係六條辮係四條，然後加上裝飾小花，同李太個髮型裝飾同一款，當晚見到嘅親戚都讚靚，稍後我會寫好post上嚟。

P.S. 唔知點解，每次叫豬扒妹行去度白色牆邊方便影相，佢都會舉高對手par落去，好似人地警察搜身咁，俾佢激C。

第94款：簡單拼髮辮之4（1級難度）5分鐘

第94款：簡單拼髮辮之4（1級難度）5分鐘

2011年8月23日

有時豬扒妹賴床，我得番好少時間同佢紥辮，所以都會諗一D好簡單又特別嘅髮型，呢一個嘅encore頻率都幾高吓。

首先頭髮分左右兩邊，再將頭頂去到耳後面嘅頭髮，由前面開始分成三份（因為豬扒妹分右邊界，右邊多D頭髮，所以就分咗四份頭髮去束），先以橡皮筋束起最前面一份頭髮，再加入第二份頭髮束成新一條辮，最後加入第三份頭髮再束成一條辮，左右各束三次，呢個髮型好處係唔會有頭髮拮眼，而且如果頭髮唔長都紥到，因為係一份一份加。紥起上嚟唔複雜但幾斯文。

第81款：雙法國辮孖鬢辮（2級難度）5-10分鐘

第81款：雙法國辮孖鬢辮（2級難度）5-10分鐘

有時豬扒妹都唔係好合作整D好複雜嘅頭，呢日都唔知整咩，又時間唔多，最後係好簡單嘅法國孖鬢辮，B係冇頭髮篤到佢對眼，而且要小姐鍾意，佢午睡先唔會自己拆個頭，唔係好多時老師話佢動作係9秒9解晒兩條辮。

大家覺得豬扒妹呢個造型得唔得呀？

第81款：雙法國辮孖鬢辮（2級難度）5-10分鐘

第81款：雙法國辮孖鬢辮（2級難度）5-10分鐘

有時豬扒妹都唔係好合作整D好複雜嘅頭，呢日都唔知整咩，又時間唔多，最後係好簡單嘅法國孖鬢辮，B係冇頭髮篤到佢對眼，而且要小姐鍾意，佢午睡先唔會自己拆個頭，唔係好多時老師話佢動作係9秒9解晒兩條辮。

大家覺得豬扒妹呢個造型得唔得呀？

第69款：8字結孖辮（1級難度）10分鐘

第69款：8字結孖辮（1級難度）10分鐘

呢個孖辮款由8字結編法紥成，圖解做法可以去基本髮辮編法8度睇吓。

首先將頭髮分成兩等份，每邊用8字結編法織成孖辮。

由於頭髮長度有限，頭髮好似豬扒妹咁又唔係太多頭髮（即條辮唔係太粗），
差不多整兩三組就要加頭髮，個教學只係話加入新一束頭髮，
但李太就覺得先將新加入髮束, 跟之前嘅好似扭紋辮咁扭幾下，
一來冇咁易散，二來可以將舊嘅一束頭髮包好，望落條辮會平滑D。

呢個髮辮唔難，完全唔駛識鬢辮，但就要有耐性，同隻手要定D，
撓頭髮要實淨D，咁條辮先唔會彎埋一邊。

同魚骨辮一樣，呢個款式都比較硬淨，亦都容易彎埋一邊，
所以紥嘅手勢要定要紥得直，因為紥完側咗較難補救。

第66款：立體扭紋孖辮（2級難度）10分鐘

第66款：立體扭紋孖辮（2級難度）10分鐘

呢次係好簡單嘅立體扭紋孖辮，做法可以去基本髮辮編法6度睇，

因為豬扒妹D頭髮都幾碎，紥到下半條都有散要中途再番織，

不過都唔算好難好耐，我覺得小妹妹紥兩條孖辮仔可愛D。

你睇豬扒妹懶係Cute咁，真係激死冇命賠。

第61款：簡易拼髮辮孖辮之3（1級難度）10-15分鐘

第61款：簡易拼髮辮孖辮之3（1級難度）10-15分鐘

呢個款整咗有兩個星期，但一直漏咗未貼上嚟。
同其他拼髮式髮辮一樣，都係用辮仔去做變化，唔駛鬢辮，
唔駛好複雜嘅紥法。

首先將頭面至頭頂嘅頭髮分成五份，唔駛要好大紥一條，
條辮幼細D做出嚟效果仲容易、明顯，因為太多頭髮會mix埋一齊，

餘下頭髮平分為兩條孖辮，用橡皮筋隨便束好，

五條辮仔每一條分一半，，續個半條做扭紋辮咁扭實佢，
一來個pattern會明顯D，二來做拼髮圖案時冇咁易散，
五條辮仔分別拉去左右兩邊嘅孖辮度，用橡皮筋綁好成為一條。
可以先做一邊，因為第一邊冇pattern，當做完一邊之後，
第二邊嘅孖辮加入5條「半辮仔」嘅時候，就要花多D時間，
如果就咁搭上去就冇咁好睇，我就好似滕籃咁，一上一下交錯咁織，
即係當搭過第一條辮仔時係由上面過嘅，遇到第二條時就要由下面過，
咁第一條係先由上面搭，第二條就要先由下面過，如此類推，
基本上一定唔會錯，如果你發現兩條辮並排都係同一個位置，
或一條辮仔可以自由拉上拉落的話，一定有一度做錯咗，
當然最外邊兩條除外。

咁樣講可能有D複雜，我畫咗個圖，5種不同顏色代表果5條辮仔，
今晚返屋企再up上嚟，希望會令大家明白D。

當你將兩組5條「半辮子」固定位置之後，整理好個pattern，
可以另外搵一條橡皮筋將子辮同5條辮仔綁埋，
加個髮夾或絲帶會幾好睇架，豬扒妹示範，去完一日返學都冇散過。

P.S. 啱啱記得個圖未UP上嚟，而家加咗啦。