第25款：單邊法國辮轉側大鬆辮
都變化自第23款，將條三手辮解開，結成一條大鬆辮，
垂落在一邊膊頭，比較簡約輕鬆的紥法。
Thursday, June 2, 2011
Wednesday, June 1, 2011
第23款：單邊法國辮轉三手辮 French Braid 3-Strand Braid
第23款：單邊法國辮轉三手辮
是我今日在公司無聊時紥的髮型，由左邊開始嬪向右邊，
和第21款打側法國辮盤髺相似，但不由兩面加入頭髮，
只抽下面的頭髮加入髮辮，上面的頭髮會顯得平滑，
該條法國辮望去就似一條花邊圍繞全個頭，
如果可以織得更貼下面就更靚，但我自己紥就看不到，
隻手有時又比較難去就，如果你們幫囡囡紮，
最好就盡量嬪貼髮腳會比較好看，編到去右面就續嬪成一條三手辮結尾。
第22款：簡單半牛角孖辮 Half Pigtails
第22款：簡單半牛角孖辮
俗稱小鹿純子辮，今日囡囡紥返學的髮型，
超級簡單但小朋友紥好可愛。
將前面兩邊頭髮由頭頂分界至兩邊耳仔對上，分別各紥一細條牛角辮即成。
這一個款我以前讀中學時常紥，當時有一套日本劇叫「排球女將」爆紅，
女主角小鹿純子（荒木由美子飾演）就集集都紥這款髮型，
學校當時10個長頭髮女生有7個會梳這款髮型，另外10個女生9個都學打排球。
不知道有沒有媽咪和我同年代，紥過這一款髮型，追看過「排球女將」呢？
Tuesday, May 31, 2011
第21款：打側法國辮盤髺 Diagonal French Braid Bun
第21款：打側法國辮盤髺
由頭的一邊耳朵對上開始嬪法國辮，我由左織向右，
左邊一邊織一邊由下面加入頭髮，
右手邊就由右邊頭頂沿住髮線拉入頭髮，
做成條法國辮辮打斜嚟織，之後當所有頭髮都加入，
去到右耳邊以三手織至尾，突出嘅一部份盤成玫瑰花型髺，
然後以髮夾固定。我整個髮型只用去一條橡筋圈及兩隻髮叉。
第20款：法國辮前陰牛角孖辮 French Braid Band Pigtails
第20款：法國辮前陰牛角孖辮
先平均分開頭髮，從頭頂部份開始每邊嬪一條法國辮，
到一半長度（嬪到過耳邊長少少）加入其餘頭髮梳成兩條孖辮。
Monday, May 30, 2011
第19款：三手繽辮變化款 3-Strand Braid Variation
第19款：三手繽辮變化款
左右中各束一條三手辮，總共三條，編好後再以橡皮筋綁於後面，
是媽咪五爪金龍款的迷你版，因為囡囡沒有媽咪多頭髮。
第18款：玫瑰花三手辮側飾 2-Strand Rosette
第18款：玫瑰花三手辮側飾
第17款的變款，將腮邊條小嬪辮盤上玫瑰花側邊，
再用髮夾或髮叉固定，全個頭我用咗兩條橡筋圈加兩隻髮叉。
後面頭髮可以垂落來，又或者全部紥起再盤隻低髺都可以。
第17款：玫瑰花側鬆辮2 Rosette Side Braid 2
第17款：玫瑰花側鬆辮2
這是第16款的變奏，前面的玫瑰花最好織於較前面位置，
固定玫瑰花之後，再將部份腮邊頭髮再嬪一條三手辮，
然後拉向後跟其他頭髮一齊綁成一條側辮，嬪嘅時候要就方向，
令三手辮面向側面，當綁成一條大鬆辮時，側面可以清楚見到該條嬪辮的正面，
就最好看。另外，亦即勿織得太開，因為這款是貼在髮邊（耳際）才好看。
第16款：玫瑰花側鬆辮 Rosette Side Braid
第16款：玫瑰花側鬆辮
要準備幾隻髮夾或梳髻用的髮叉, 先抓前面一小束頭髮嬪一條三手辮，
然後盤起成一個玫瑰花形於頭的側邊，用髮夾或髮叉固定，
再將餘下頭髮拉向玫瑰花一邊紮成一條側辮，不用太緊，少少蒲鬆已可以。
亦可以用較華麗的髮飾做裝飾。
Subscribe to:
Posts (Atom)