仔仔的大玩具
仔仔係一個typical嘅男孩子，佢鍾意車、鍾意tools、鍾意building toys，
有兩個佢近期鍾意嘅玩具，係我地新買俾佢嘅，一個係李生買俾佢畢業，
另一個係我搵咗好耐先搵到嘅。
呢架係一架遙控車，係喺Costco買嘅，要成三十幾美金，
原本我嫌貴，但李生話由得仔仔自己揀，咁佢都揀咗呢架，
應承咗會買就要買，咁都啱嘅，貴少少就喺第二度慳番。
仔仔好鍾意架車，呢架車都幾食電，好彩車身果排係rechargeable batteries，
個遙控器就係大電，每次charge完大約玩到45分鐘至一個鐘，
仔仔已經唔止一次帶架車返學校，因為學校星期五係sharing day，
可以帶玩具返去同其他小朋友一齊玩，仔仔隔個星期五就會問可唔可以拎架車，
我就同佢講，因為要charge電，最好早一晚講俾媽咪知。
另一個係貴嘢，但我覺得值得，因為好有教育意義，而且豬扒妹同仔仔都可以玩，事實上，佢地兩兄妹都成日一齊玩。
呢個叫 Magna Tilts，普通玩具店連Toysrus都冇得賣，仔仔以前間preschool有，
仔仔好鍾意玩，而且個個老師家長都見過佢砌到好高好靚，
我搵咗好耐，後來喺個朋友屋企見到，我問佢太太喺邊度買，
佢就話係上網買嘅，我上網search，Amazon.com有得賣一百三十幾美金，
我最後上 Magna Tilts 個official site買，有discount加free shipping盛惠一百一十，
已經係最平，我同李生都有D十五十六，但最後都係決定買，由我D外快度俾啦。
呢個玩具係一塊塊tilts，塊塊周邊都有磁石，可以一塊塊疊高，
砌成塔、火箭、屋等，小朋友要發揮創意去砌，而且有效訓練小肌肉。
solid colors會平D，但呢個clear colors靚D，小朋友鍾意多D。
想買嘅可以去www.magnatilts.com/products睇吓，我就覺得係一幅值得買嘅玩具。
最開心嘅係仔仔玩完會自己執番入個盒度，佢仲要係會要求好高，
一個一個放好，非常整齊架。
仔仔的大玩具
仔仔係一個typical嘅男孩子，佢鍾意車、鍾意tools、鍾意building toys，
有兩個佢近期鍾意嘅玩具，係我地新買俾佢嘅，一個係李生買俾佢畢業，
另一個係我搵咗好耐先搵到嘅。
呢架係一架遙控車，係喺Costco買嘅，要成三十幾美金，
原本我嫌貴，但李生話由得仔仔自己揀，咁佢都揀咗呢架，
應承咗會買就要買，咁都啱嘅，貴少少就喺第二度慳番。
仔仔好鍾意架車，呢架車都幾食電，好彩車身果排係rechargeable batteries，
個遙控器就係大電，每次charge完大約玩到45分鐘至一個鐘，
仔仔已經唔止一次帶架車返學校，因為學校星期五係sharing day，
可以帶玩具返去同其他小朋友一齊玩，仔仔隔個星期五就會問可唔可以拎架車，
我就同佢講，因為要charge電，最好早一晚講俾媽咪知。
另一個係貴嘢，但我覺得值得，因為好有教育意義，而且豬扒妹同仔仔都可以玩，事實上，佢地兩兄妹都成日一齊玩。
呢個叫 Magna Tilts，普通玩具店連Toysrus都冇得賣，仔仔以前間preschool有，
仔仔好鍾意玩，而且個個老師家長都見過佢砌到好高好靚，
我搵咗好耐，後來喺個朋友屋企見到，我問佢太太喺邊度買，
佢就話係上網買嘅，我上網search，Amazon.com有得賣一百三十幾美金，
我最後上 Magna Tilts 個official site買，有discount加free shipping盛惠一百一十，
已經係最平，我同李生都有D十五十六，但最後都係決定買，由我D外快度俾啦。
呢個玩具係一塊塊tilts，塊塊周邊都有磁石，可以一塊塊疊高，
砌成塔、火箭、屋等，小朋友要發揮創意去砌，而且有效訓練小肌肉。
solid colors會平D，但呢個clear colors靚D，小朋友鍾意多D。
想買嘅可以去www.magnatilts.com/products睇吓，我就覺得係一幅值得買嘅玩具。
最開心嘅係仔仔玩完會自己執番入個盒度，佢仲要係會要求好高，
一個一個放好，非常整齊架。
餐館介紹：小沈陽Little Shen Yang Restaurant
李生要求中國嘢，咁我地去到El Mercado Shopping Center裏面一間叫小沈陽嘅餐館，食東北菜，我地4大（李生李太李生朋友同佢十幾歲嘅仔）兩細（豬扒妹同哥哥），叫咗6個菜，我地係冇諗過會咁大碟咁抵食，所以叫多咗。
我地叫咗個雪菜肉絲炒年糕俾兩個細嘅，呢個係佢地至愛，
兩個小朋友可以食一半以上，呢張相影時已經食咗三份一。
梅菜扣肉，李生鍾意食，呢個整得較為甜，但D肉唔係太厚太大，肉質好鬆化，
入口就溶，又係好大碟吓，呢個係食咗一半時影嘅。
再嚟係蔥油餅，味道唔係食過最好，但就係食過最大碟嘅，
一上菜我地就嚇親，平日D餐館多數只有一大塊切開4或8件，
呢個上檯有兩大塊，切起有十幾塊，每碟美金5.5，呢個一上檯好快食咗三份二。
李生叫嘅干烹雞，個人覺得唔夠辣，而且D雞唔夠味，但都算好食，
呢張相影時已經食咗一半以上。
椒鹽魚塊，大就好大碟，但魚唔夠味，肉質唔夠實，魚塊太薄身，
所以同粉漿好似mix埋咁，不過都OK好食。
蒜炒通菜，呢個係醎咗D，但就幾惹味，菜好新鮮，一上碟好似山咁高，
呢個俾我同朋友囝囝夾埋食咗半碟。
呢餐飯好抵食，總結D菜係大碟又平，味道叫中上，埋單係三十幾美金，
加埋貼士同稅李生俾咗四十，去餐館四大兩細咁嘅價錢超正，
唔怪之得有咁多人嚟食，夜晚6點後要排隊。
唯一美中不足係個洗手間，地下有油，豬扒妹幾乎滑倒，
好彩我一手抓實佢唔放；哥哥同豬扒妹都問我：「Why is it so slippery?」
餐館嘅衛生其實好緊要。
另一樣就係調味，因為東北菜味濃，用嘅調味都會重味D，咁出街食中國嘢，
味精都好難避免，我自己同對仔女對味精都比較敏感，呢間叫做可以接受，
因為我冇當場有反應，但事後我地一家就覺口喝，要飲好多水。
想去試吓，地址係El Mercado Shopping Center, 1749 Decoto Road, Union City, CA 94587
星期一至日都開，由11am到9:30pm，唔收Credit Card，所以要自備現金，
泊車有個大parking lot，好方便。
餐館介紹：小沈陽Little Shen Yang Restaurant
李生要求中國嘢，咁我地去到El Mercado Shopping Center裏面一間叫小沈陽嘅餐館，食東北菜，我地4大（李生李太李生朋友同佢十幾歲嘅仔）兩細（豬扒妹同哥哥），叫咗6個菜，我地係冇諗過會咁大碟咁抵食，所以叫多咗。
我地叫咗個雪菜肉絲炒年糕俾兩個細嘅，呢個係佢地至愛，
兩個小朋友可以食一半以上，呢張相影時已經食咗三份一。
梅菜扣肉，李生鍾意食，呢個整得較為甜，但D肉唔係太厚太大，肉質好鬆化，
入口就溶，又係好大碟吓，呢個係食咗一半時影嘅。
再嚟係蔥油餅，味道唔係食過最好，但就係食過最大碟嘅，
一上菜我地就嚇親，平日D餐館多數只有一大塊切開4或8件，
呢個上檯有兩大塊，切起有十幾塊，每碟美金5.5，呢個一上檯好快食咗三份二。
李生叫嘅干烹雞，個人覺得唔夠辣，而且D雞唔夠味，但都算好食，
呢張相影時已經食咗一半以上。
椒鹽魚塊，大就好大碟，但魚唔夠味，肉質唔夠實，魚塊太薄身，
所以同粉漿好似mix埋咁，不過都OK好食。
蒜炒通菜，呢個係醎咗D，但就幾惹味，菜好新鮮，一上碟好似山咁高，
呢個俾我同朋友囝囝夾埋食咗半碟。
呢餐飯好抵食，總結D菜係大碟又平，味道叫中上，埋單係三十幾美金，
加埋貼士同稅李生俾咗四十，去餐館四大兩細咁嘅價錢超正，
唔怪之得有咁多人嚟食，夜晚6點後要排隊。
唯一美中不足係個洗手間，地下有油，豬扒妹幾乎滑倒，
好彩我一手抓實佢唔放；哥哥同豬扒妹都問我：「Why is it so slippery?」
餐館嘅衛生其實好緊要。
另一樣就係調味，因為東北菜味濃，用嘅調味都會重味D，咁出街食中國嘢，
味精都好難避免，我自己同對仔女對味精都比較敏感，呢間叫做可以接受，
因為我冇當場有反應，但事後我地一家就覺口喝，要飲好多水。
想去試吓，地址係El Mercado Shopping Center, 1749 Decoto Road, Union City, CA 94587
星期一至日都開，由11am到9:30pm，唔收Credit Card，所以要自備現金，
泊車有個大parking lot，好方便。
周末睇屋記
上星期去咗Hayward/Union City睇屋，因為老公個朋友買咗一個新屋苑單位，
佢話好平，size又大(1726呎 – 1999呎)，間格又靚，於是叫老公不如去睇吓啦，
襯而家平政府又有新mortgage policies，係入市好時機，
其實我地由結婚之後冇耐就想買屋，但果時屋價好貴，息又高，人人都瘋狂，
我地睇嚟睇去都冇啱嘅，一係間格唔好，一係地區唔好，一係就價錢唔啱，
所以一路都冇行動。
之前有一排我地都有個個星期去睇屋，後來個市大跌，度度都foreclosures，
我地都積極睇過一陣，之後又冇咩點諗，一來有太多其他嘢要煩，
而且買屋要考慮嘅嘢太多，份工係咪穩陣？校區如何？離我地而家係咪太遠？
因為雙方父母都要照顧，如果住得太遠唔方便，返工要幾耐？
車錢要多幾多？點湊返學放學？淨係點照顧對仔女返學放學已經大問題，
所以一向都係得個諗字，要喺三藩市買屋幾乎係天方夜譚，
除非我地去D唔係太好嘅區，咁呢個關乎安全問題冇得compromise，
又或者買間好細嘅屋，但冇三房係幾難match我地要求，因為想對仔女有自己房。
咁呢日去到睇示範單位 : Avila at Parkside，三個plans有兩個我地都好鍾意，
亦都有一個match到我地要求。
可惜當我地未入個office之前，囝囝要去洗手間，
我地就去咗屋苑裏面公園嘅公眾洗衣間，當然有兩個homeless坐咗喺公園，
洗手間入口又有另一個霸住個廁所，李生最後同囝囝去咗女廁果邊，
佢話裏面俾人整到好污衊。
等開門之前，我地又周圍睇吓附近環境，原來屋苑隔離係火車路，
李生問個職員有咩火車行，個職員話有普通Amtram又有運貨嘅商用車，
唔怪得全屋裝晒雙層同三層隔音玻璃啦。
示範單位真係幾靚，隔格我地都好鍾意，但基於個neighborhood都唔好，
就算Bart站喺5分鐘車程內咁方便，價錢又吸引，我地都唔會考慮，
或者我地係注定要成世租屋都唔定。
去完睇示範單位之後，我地個個都肚餓，於是李生個朋友就帶咗我去食嘢。
想睇我地食D咩，請去下一篇啦，因為再講就太長啦。
周末睇屋記
上星期去咗Hayward/Union City睇屋，因為老公個朋友買咗一個新屋苑單位，
佢話好平，size又大(1726呎 – 1999呎)，間格又靚，於是叫老公不如去睇吓啦，
襯而家平政府又有新mortgage policies，係入市好時機，
其實我地由結婚之後冇耐就想買屋，但果時屋價好貴，息又高，人人都瘋狂，
我地睇嚟睇去都冇啱嘅，一係間格唔好，一係地區唔好，一係就價錢唔啱，
所以一路都冇行動。
之前有一排我地都有個個星期去睇屋，後來個市大跌，度度都foreclosures，
我地都積極睇過一陣，之後又冇咩點諗，一來有太多其他嘢要煩，
而且買屋要考慮嘅嘢太多，份工係咪穩陣？校區如何？離我地而家係咪太遠？
因為雙方父母都要照顧，如果住得太遠唔方便，返工要幾耐？
車錢要多幾多？點湊返學放學？淨係點照顧對仔女返學放學已經大問題，
所以一向都係得個諗字，要喺三藩市買屋幾乎係天方夜譚，
除非我地去D唔係太好嘅區，咁呢個關乎安全問題冇得compromise，
又或者買間好細嘅屋，但冇三房係幾難match我地要求，因為想對仔女有自己房。
咁呢日去到睇示範單位 : Avila at Parkside，三個plans有兩個我地都好鍾意，
亦都有一個match到我地要求。
可惜當我地未入個office之前，囝囝要去洗手間，
我地就去咗屋苑裏面公園嘅公眾洗衣間，當然有兩個homeless坐咗喺公園，
洗手間入口又有另一個霸住個廁所，李生最後同囝囝去咗女廁果邊，
佢話裏面俾人整到好污衊。
等開門之前，我地又周圍睇吓附近環境，原來屋苑隔離係火車路，
李生問個職員有咩火車行，個職員話有普通Amtram又有運貨嘅商用車，
唔怪得全屋裝晒雙層同三層隔音玻璃啦。
示範單位真係幾靚，隔格我地都好鍾意，但基於個neighborhood都唔好，
就算Bart站喺5分鐘車程內咁方便，價錢又吸引，我地都唔會考慮，
或者我地係注定要成世租屋都唔定。
去完睇示範單位之後，我地個個都肚餓，於是李生個朋友就帶咗我去食嘢。
想睇我地食D咩，請去下一篇啦，因為再講就太長啦。
