第73款：半法國辮ZigZag Up Do（3級難度）10-15分鐘

第73款：半法國辮ZigZag Up Do（3級難度）10-15分鐘

呢款其實已經係6月尾時整架啦，但唔知點解會漏咗冇post上嚟。

呢個同媽咪果個第55款：半法國辮ZigZag髮髻同一做法，

所不同嘅係媽咪頭髮多D長D，可以整個髮髻，豬扒妹頭髮較少較短，

而且整髻仔唔多啱佢年紀，所以做咗個簡單嘅Up Do。

首先由頭嘅一邊（我由右邊）開始，先取一束頭髮打橫織法國辮，

只由下面加頭髮，一路織到去另一邊耳仔對上（左邊），

因為豬扒妹頭髮唔係好多，織到去左邊時已將上半part織晒入去，

之後條辮轉彎由左織番去右邊，都係由下面加頭髮，

今次就將餘下嘅都織晒入去條辮度，當加晒所有頭髮之後，

以三手辮收尾，最後我用一個靚靚鱷魚夾將條三手辮尾夾實。

呢個Up Do最啱夏天，唔熱又可愛，玩嘅時候又唔會成頭散晒。