第94款：簡單拼髮辮之4（1級難度）5分鐘

第94款：簡單拼髮辮之4（1級難度）5分鐘

2011年8月23日

有時豬扒妹賴床，我得番好少時間同佢紥辮，所以都會諗一D好簡單又特別嘅髮型，呢一個嘅encore頻率都幾高吓。

首先頭髮分左右兩邊，再將頭頂去到耳後面嘅頭髮，由前面開始分成三份（因為豬扒妹分右邊界，右邊多D頭髮，所以就分咗四份頭髮去束），先以橡皮筋束起最前面一份頭髮，再加入第二份頭髮束成新一條辮，最後加入第三份頭髮再束成一條辮，左右各束三次，呢個髮型好處係唔會有頭髮拮眼，而且如果頭髮唔長都紥到，因為係一份一份加。紥起上嚟唔複雜但幾斯文。