唔覺唔覺，小甜心髮式已經有10款啦，今次係反撲歸真，查實係懶
，完全唔駛鬢辮，只係用一個topsy tail做少少變化，其實唔用都得，只係有少少過意唔去，好似有D欺場咁。
OK，開始時將頭髮分成左右兩邊，之後好似紥法國辮咁拎起最前面一小束頭髮，以橡皮筋束好，將個topsy tail由上插向下，將條辮由上反入下面，拉好成為一個反轉結，
之後好似束半法國辮由最開面加入頭髮，再用橡皮筋束好，成為新一束髮辮，新髮辮比之前第一條粗，因為加入咗其他頭髮，如此類推，直至去到耳後嘅頭髮都加入束起。做完右面梳左面頭髮，到左右兩邊都完成，再將兩條辮仔合併束成一條。
由後面睇就好似一個前面打開嘅心型，所以我叫呢個做「開」心Open Heart。唔駛鬢辮唔駛紥法國辮，慳水慳力又唔駛幾多時間，又有一個小甜心髮式，係咪好介紹呢？
No comments:
Post a Comment