再整米通（星星心心版）Rice Krispy Hearts & Stars

今晚再整多次米通，因為李生話想食加咗提子嘅，我用咗原本嘅一半份量嚟整，因為之前有網友話整成波波型，我諗試下其他形狀都得，用個曲奇模就做到。

蝴蝶酥 Palmiers

蝴蝶酥Palmiers係法式小甜點，以前成日喺香港嘅西餅舖都會見到，李太好鬼鍾意，我覺得係一種好有古典味嘅甜點，最正就係配一杯咖啡或檸檬茶，又脆又甜又香，食嘅時候滿口香甜，令我有種回到中古時代嘅感覺，成班仕女著住花邊袖大傘裙，梳個大高髺，好優雅咁食下午茶，讀下詩繡下花畫下畫又一日... ... ...好明顯我又發夢啦。

去番現實世界。呢個蝴蝶酥係星期六果日帶去新年花車巡遊，因為趕時間，用咗現成嘅酥皮，冇自己搓，焗到出嚟李生皺晒眉頭，話：failed，overcooked，all burnt!!! 我食咗1/4塊，叫李生自己試下至講，食完佢就遞個紙袋過嚟，叫我全部包走拎去請人食，哼，就好似佢老婆李太咁，呢D蝴蝶酥可能冇外在美，但有內在美嘛～哈哈，有D想嘔，李太純粹搞下笑，唔好熄機住，睇埋個食譜先。

簡單易整米通Rice Krispy Treats

呢個係李生教嘅，但就由李太整一個健康少少嘅少油版（比李生版本少一半以上），其實原來一D都唔難，今次李太可以叻番一次，唔駛靠李生整俾李太媽食啦，話說李太媽同李太爸食過李生整嘅米通之後，只要買到爆米花就會叫李生整，李生自己都好鍾意食，佢好似係N年前佢阿姨教佢整，李生整完發現係好易又好食，連對仔女都鍾意食，個質地係煙煙un un，甜甜地痴牙，都算飽肚，美國呢度呢一個食譜都幾普及，好多人屋企都成日整。材料唔多，整嘅過程都唔複雜，就算廚藝不高都好容易整到。

如意曲奇（雙色橙味朱古力曲奇）Double Color Cookies

呢個造型如果係新年會好應景，因為好似中國如意咁樣，我原本想整個心型，但因為雪得太實搓唔到，有心整心心嘅記住雪之前搓好至放入雪櫃。呢個係2月13日晚焗嘅，做嚟放入俾對仔女同學嘅goodies bags度，雙色係因為有兩種味道兩種顏色，今次用嘅係朱古力同橙皮。

無價的兩束花

李太同李生的周年紀念同情人節相差兩日，以我呢D咁孤寒性格，我通常撈埋一晚慶祝

李生投訴：一日還一日嘛，點解唔可以出去兩晚撐枱腳？李太：當然唔得啦，邊個幫你湊對仔女兩晚？兩餐都出去食，好$$$$

李生有時俾我吹脹架。咩喎，有錢都留番對仔女讀書用啦，興趣班唔駛錢咩？我地一晚駛一百蚊，夠一家大細去食兩三餐好嘅。

拍拖初期，因為分隔兩地，李生送唔到花俾李太，到李太嚟咗美國，第一年情人節就係我地結婚前兩日，忙到不得了，去註冊果日，李生居然連花都冇紮，係李太細佬好識做買咗一束花，唔係D相就連花都冇一枝。但從此以後，每年情人節，李生就會送花，第一年佢送康乃馨！！！！OK啦，果年李太就做媽媽，不過就俾我細佬笑佢唔識趣，咁李太又冇特別講鍾意玫瑰花，有花收我唔會投訴啦，有D朋友自結婚後連草都冇條，我有一紥花係好好架啦，經過幾年下來，李生每年都會送一束玫瑰花，李太例必將束花吊乾做乾花，到第二年情人節就會換一束新花，今年唔知係唔係會都係咁呢？過多一個星期就知啦。呢紮係上年嘅，而家都仲係好靚架。

第125款：小甜心髮式之9心心相印

情人節將至，又是小甜心髮式應節的時候，這一個髮式以大心心馬尾為藍本，想重溫大心心馬尾的梳法，可以按這裏或這一個post上面的連結。

簡單健康零失敗豆奶布丁 Soy Milk Pudding

呢個最啱懶人，好似李太就係，而且呢個甜品製法簡單，幾乎係零機會失敗。之前網上見好多人整北海道牛奶布丁，用個玻璃樽仔整，睇落好特別好Q，口感又滑又濃，但我一來唔想買日本牛奶，想買都要特登去日本超市，而且未必有得賣，二來個食譜有淡忌廉whipping cream，我唔想俾個咁厚重嘅甜品俾對仔女食，而且通常飯後佢地食甜品都唔食得多，所以我改動咗原食譜嘅材料，減糖減脂肪量，而家呢個做法嘅材料全部都可以喺我屋企搵到，唔駛特登出去買，前後整10分鐘，加埋雪兩小時，就有好香好滑豆奶布丁食。

基本髮辮編法11：用襪子DIY簡易鬈髮之2

上一篇介紹用襪子set頭，今次示範較大的鬈髮

基本髮辮編法11：用襪子DIY簡易卷髮

情人節臨近，女士都想打扮得漂漂亮亮去會情人，但去髮型屋set頭花時又花錢，自己set又要工具又要技巧，這次介紹一個十分容易又不花錢的方法，只要隔天晚上做點工夫，第二天就有一頭鬈髮，方便set頭。

第124款：小甜心髮式之8大心心馬尾

就快情人節，一眾小甜心髮式最受歡迎，豬扒妹頭髮開始多，由於頭髮較軟較散，成日都會垂落嚟遮到眼，一拮眼佢就會摔，而呢類法國辮就最適合，因為會將大部份頭髮都納入髮型中。