第74款：反轉三手辮前陰（1級難度）5分鐘

第74款：反轉三手辮前陰（1級難度）5分鐘

好耐都冇post新髮型，唔係因為李太同豬扒妹冇梳新款，只係有時又要up相又要寫好花時間，加上呢排Yahoo Blog要upgrade，我都唔知轉唔轉好，費事到時花時間打完又要搬或者唔見咗，所以一直只有影相同upload去個電腦度，冇寫同post上嚟個blog度。

今次要講嘅係一個好容易整嘅髮型，只要識三手鬢辮就可以。

先取前面中間一束頭髮，因為要整嘅係反轉手法，最好該束頭髮較多，唔係反轉去後面就唔係幾好睇。決定了取的頭髮後，就開始鬢一條三手辮，但今次鬢嘅時候係要向前鬢，唔係向後鬢

條辮仔係掛在前面，鬢時不要太緊手，鬆手一點會較好看，鬢好後就束上橡皮圈。

然後就將條鬢辮由前反向後，若之前束得太緊，反向後就會有難度，而且條辮太幼唔靚，於此時略為拉鬆一點條鬢辮才於頭頂位置以髮夾略為固定，到此可以就算完成；

我就多此一舉，將頭兩側頭髮加入條三手辮束成一條於腦後，梳成公主頭變化款。