第二次整髮夾

上次整果D髮夾仔已經送出咗6隻，今日因為李生帶咗個仔去游水，我就有少少唔舒服，唔知係敏感定傷風，總之就係鼻塞塞、有喉嚨痛、口乾，所以都係同豬扒妹留喺屋企，咁我問佢不如我地整夾仔啦，豬扒妹好開心吓。

今次整比較清D嘅款，因為上次整完有網友話D蝴蝶本身已經有好多色，再加花厘花碌嘅絲帶太花，所以今次用淨色絲帶襯D蝴蝶仔。

另外，整咗一個用絲帶整成個心加朶花仔嘅夾仔（第一張圖最下行右二），都幾得意架。

呢一個係一個簡單嘅蝴蝶絲帶加花仔（第一張圖最下行右一）。

另一個係用星星紐扣整嘅三粒星夾，囡囡最鍾意呢個。

因為個女鍾意Hello Kitty貓，之前網上搵到D Kitty貓紐，買咗加個Pinwheel bow就整咗呢兩個，可惜Kitty塊面係紅色，唔係好outstand，下次買過D白色或粉紅色嘅再整。

呢個花咗D。

我較為喜歡呢個。

呢次由豬扒妹戴住照相，佢好鬼開心，其實全程佢都喺係我身邊畫畫油顏色，之後叫肚餓，我就一邊煮麵佢食一邊整，兩母女過咗悠閒嘅幾小時。