你升咗呢未？會唔會升？

你升咗呢未？會唔會升？

鴉烏blog將要升呢，我呢個新鴉烏blogger真係有D尷尬，
我打咗鴉烏blog一個月多D，對於我理應唔係太大損失，
但呢個月我已經有過百posts，up咗八百幾張相，
初初寫時用咗好多個夜晚up posts同up相，晚晚整成四五個鐘，
而家諗起就頭痕，因為有D blog友話一升呢就唔見晒D訂閱，
對我唔係太大問題，我得4個啫，但我知有朋友由BK追過嚟睇豬扒妹嘅髮型，
而且都有我幾個老友耐不耐嚟採我，如果我升完呢佢地搵我唔到，
真係唔係幾好意思。

另外有blog友又話，升完D分類亂晒、D相冇晒，要續個post執番，
我諗起都頭痛，初初整個blog，要由BK續個post同相對，我已經想死，
而家又要死一次，我好想放棄。

仲有blog友話升完呢blog友睇唔到內容，因為blog友未升呢，
咁如果係咁，升嚟做咩，如果冇人睇到，我打嚟做咩？

我已經開定另一個blog，準備將內容copy過去，
有咩冬瓜豆腐唔會冇晒所有心血，但又即係要重頭嚟過，
將來又係唔係要run兩個blog，好似有D多餘，又要公告天下我搬屋。
我有諗過一個中文blog一個有英文，但時間係一個問題，而家真係頭都大。
講真而家新呢好似仲有好多問題未解決，要人升呢真係好唔convincing，
有D升咗嘅叫苦連天，好多blog主都話封筆唔再用鴉烏，
今次鴉烏係咪因小失大呢？

有冇人知鴉烏話如果兩個月後唔升就會俾番條link你備份係咩意思？
係咪即係冇得玩？備份又係點架？係咪一樣要續個post搞？