第84款：半法國辮Up Do（3級難度）15分鐘
呢個係7月尾整嘅，但一直未排到時間寫同up上嚟。夏天天氣熱，up do就最清爽，我呢度天氣熱極有限，每年只有不到半個月時間係真正熱到出汗，當然如果追巴士或中午時間走出街行都會汗流浹背嘅，但一般情況唔會好似香港咁，只要冇冷氣就死得，三藩市冇住家係有冷氣嘅，反而家家戶戶都有暖爐，好多Apartment仲係入牆Heater，我為咗慳電費，都係用手提式暖爐，即係坐喺廳就推入廳，到瞓時就推入房，對仔女沖涼就推入沖涼房。
呢個係7月尾整嘅，但一直未排到時間寫同up上嚟。夏天天氣熱，up do就最清爽，我呢度天氣熱極有限，每年只有不到半個月時間係真正熱到出汗，當然如果追巴士或中午時間走出街行都會汗流浹背嘅，但一般情況唔會好似香港咁，只要冇冷氣就死得，三藩市冇住家係有冷氣嘅，反而家家戶戶都有暖爐，好多Apartment仲係入牆Heater，我為咗慳電費，都係用手提式暖爐，即係坐喺廳就推入廳，到瞓時就推入房，對仔女沖涼就推入沖涼房。
言歸正傳，呢個髮型你話簡單又得，難又得，如果已經熟習鬢法國辮，呢個冇難度，但要成個頭鬢晒就要耐性同手定。
首先我由豬扒妹多頭髮果邊，即係右邊前面開始鬢，每一組鬢辮都加一面加入頭髮，另一面唔加，原因之後會講。沿住個頭一直鬢，條辮會形成一個圓圈，鬢到最後所有頭髮都加晒，就以三手辮織到尾。之後就將三手辮拉到右邊，攝入半法國辮開口嘅一面，以髮夾固定，我用一隻蝴蝶仔鱷魚夾將頭髮夾好，一方面裝飾，另一方面較易整理，即使豬扒妹多手扯咗落嚟，老師都可以好容易幫佢夾番好。
你地話係咪好適合夏天呀？
首先我由豬扒妹多頭髮果邊，即係右邊前面開始鬢，每一組鬢辮都加一面加入頭髮，另一面唔加，原因之後會講。沿住個頭一直鬢，條辮會形成一個圓圈，鬢到最後所有頭髮都加晒，就以三手辮織到尾。之後就將三手辮拉到右邊，攝入半法國辮開口嘅一面，以髮夾固定，我用一隻蝴蝶仔鱷魚夾將頭髮夾好，一方面裝飾，另一方面較易整理，即使豬扒妹多手扯咗落嚟，老師都可以好容易幫佢夾番好。
你地話係咪好適合夏天呀？
No comments:
Post a Comment