再整髮夾

今次因為扭親右腳眼，所以無聊有三日在家，雖然都有出去睇醫生，但都係唔知點解無聊無聊又一日，呢兩日的起心肝整咗D花仔準備要整髮夾俾個女，而家俾住大家睇吓D配件先，整好再post上嚟。

Yahoo Blog又痴痴地，貼相貼到一肚火，個相薄又唔係跟上載日期排，初初幾張係最近上載嘅，第二版就無端端由6月排到8月，要搵番D相真係要續頁續頁睇，貼相又唔可以字中間貼，次次貼都係字後面，真玩死。D字體一行大一行細，改又改唔到，最後係Delete晒再Copy過，好彩而家我都係打完再copy & paste過嚟，有咩冬瓜豆腐都唔駛打過，唔係真係粗口都出埋。