第99款：法國辮交叉孖辮

2011年8月14日

如果你會梳法國辮，呢個應該唔會難到你，只係少少變化就做出一個新款。

首先先劃出兩鬢旁嘅頭髮，我先鬢右邊，所以以橡皮筋先束起中間同左邊頭髮（分開兩束）。以法國辮手法將右邊頭髮鬢成一條辮，我只由頭面加入頭髮，去到耳仔後少少就停止加入新頭髮，將餘下頭髮鬢成三手辮，為咗整出個打交叉效果，鬢嘅時候我刻意將條辮向左織，就好似織打斜法國辮咁；整完第一條鬢辮應該係打斜由右向左。

到梳左邊頭髮時，只解開左邊橡皮筋，以相同方法織左邊頭髮，織完之後又係一條打斜法國辮。你可以將左邊條辮放上面，或者右邊條辮放上面都冇問題，調較好後以兩個髮夾固定左右兩條辮位置（睇到我隻髮夾位置嗎？答案相中尋），呢個係最簡單嘅交叉孖辮梳法，其實仲有不同收尾方法同變化，我會以後再講，今日就講住呢個最簡單嘅先，今日你都試吓啦。