砵仔糕

砵仔糕

呢個係上個星期心血來潮整嘅，搵到個食譜好耐，但一直都冇話去買晒材料開工。

呢度都有砵仔糕賣，但始終都好似唔係好啱味，一係就唔夠紅豆，所以成日都想自己整吓，睇吓可唔可以整到以前細個果時果種味。

話說因為星期六李生帶咗哥哥去游水，只有豬扒妹同我喺屋企，豬扒妹聽到媽咪話整嘢食，叫佢幫手好開心，不過佢唔同哥哥，全程睇多過要玩，所以李太好快可以搞掂。

呢個係整好咗個樣，我嫌甜咗D，可能因為個食譜係台灣人寫嘅，所以口味比較甜，下次整我會搞搞個食譜，減番D糖先。食譜稍後再補，而家眼瞓要去眠一眠先。