第89款：三手辮變化款蛇辮（2級難度）10分鐘
2011年8月7日
呢個都係一個月前嘅「作品」，係好簡單嘅三手辮，但唔係一般一板一眼嘅紥法，亦都唔駛記住點整，每次紥都可以睇心情決定紥幾多、紥幾長、紥向左或右......
首先挑出前面一束頭髮，以普通三手辮紥法編結幾組，之後就隨機由左或右，以織法式辮咁加入頭髮，織入三手辮中，唔駛一定要平均，或者好規律咁隔幾多組三手辮再加頭髮，你可以織完兩組由右邊加一束頭髮，再織三組先再由左邊加，又或者你可以由右邊加兩次先由左邊加一次，點紥取決於你想條辮織幾粗幾長，同埋你想個效果係點。呢個係公主頭，唔好成個頭嘅頭髮都加入，只要將兩鬢頭髮都束起就夠。另外，呢個髮型都唔駛要一定紥到好緊，你可以紥得略鬆，有點隨意慵懶嘅味道。
點解叫蛇辮？因為條辮唔駛梳得有板有眼，唔駛筆直一條，梳嘅時候甚至可以梳到成個S型咁，就彷如一條蛇咁，係咪好得意呢？
點解叫蛇辮？因為條辮唔駛梳得有板有眼，唔駛筆直一條，梳嘅時候甚至可以梳到成個S型咁，就彷如一條蛇咁，係咪好得意呢？
No comments:
Post a Comment