Thursday, April 26, 2012

我的志願是消防員 I want to be a fireman

早兩個星期日,YMCA有一個關於健康家庭的戶外活動,當中有不同單位的攤位,宣傳有關健康飲食習慣和家庭樂的重要性,當天節目理應8時開始,但當我們一家8時準時出現時,原來有關單位還沒有準備就緒,於是我們就到附近的一所運動用品店購物,因為李生需要一對特別的鞋墊,因利成便,為一對兒女買了新鞋,這些日子他們大得真快,不只是衫褲不合身,就連鞋子也換了一兩個呎碼,專挑那些減價貨,居然也找到不錯的選擇。





首先是到不同攤位看一下,第一個是有關兒童手工藝的教室,兒子差點把人家的攤檔都結拆下。之後是有關牙齒保健,兩個小朋友自嬰兒時期,我們已給他們飲奶後擦牙肉,後來就用紗巾擦牙,到現在這麼大暫時都未有牙齒問題,不少朋友的子女同齡時已有幾隻蛀牙了。

這個攤位很有趣,參觀人士只要走上腳踏車上努力踩動腳踏,後面的攪拌機就會開動做出美味的乳酪飲品,只是果汁、生果、牛奶,全天然不加色素化學品,連電都不同,可是百分百環保呢,做好的乳酪分派給在場人士飲用。



每個攤位都有不同小禮物派給小朋友,「巡邏」了幾個下來已有一大堆,之後兩個小朋友坐下來畫畫,用顏色筆畫出健康班戟早餐。

 






今日的重頭戲出現了:一台消防車,兒子的志願喜愛很早就表露出來,約兩歲開始他已對消防車很對味,這幾年來,生日禮物收得最多就是有關消防車消防員的東西,由第一輛消防車walker到雨衣到雨靴到Lego玩具,連帶午餐的午餐盒都是消防車形的,他已經連續兩三年萬聖節扮作消防員。學前學校曾有同學爸爸是消防員,整間學校到消防站參觀,李生有個老朋友是消防控制員,他帶過我們一家到消防站參觀,那是十分興奮的經驗,又試過在某商場裏遇到幾個消防員工作完後到Starbuck's買咖啡,小兒子走到消防員面前打招呼,告訴他們他的志願是消防員。




今日這個消防隊長有難了,兒子捉著他不停問問題,每一個門他都有興趣去開,任何工具都要知道是甚麼,初初消防隊長都好有耐心一個個問題答,去到後來,兒子著實太多問題,每一樣東西都要第一個去觸摸去看,同時間其他小朋友都好奇,但就因為兒子太忘我,讓在場有些小朋友沒有機會問問題,後來消防隊長要叫兒子靜一下,讓在場另一個男孩子有機會問和看先~















你可有留意,差不多每張相片,小兒子都是排在前面跟消防隊長說話,或是在前面看著不同的工具。作為母親的我著實有點尷尬,因為兒子似乎獨佔了其他孩子的機會,在其他人眼中我可能是一個管教不力的媽媽呢。

2 comments:

  1. 咁又唔好咁諗,士賓沙活躍啲啫
    [版主回覆05/10/2012 23:47:26]我已經不停洗腦式日日同仔仔講架啦,不過而家問題唔只一個小朋友啦,已經係好多個,個個覺得激到仔仔發嬲好好玩,上班主任堂冇問題,連Specialists都贊仔仔呢排好聽話,但一到課後班就出事,應該係課後班老師冇留意,明明已經講咗仔仔情況,但佢地都要偏袒其他人,我都無言,一個星期有兩三日俾人捉住話,我都唔知點好,仲有個幾星期就上完課後班,希望可以平安過度,而家有咩特別活動,我都會請假跟埋去,當幫學校又好,睇住自己個仔又好。
    [蚊難小王子回覆05/10/2012 16:47:09]教仔仔ignore 佢囉~~ ignore 佢, 佢就無隱架啦
    [版主回覆04/29/2012 23:11:18]唔只活躍咁簡單,係社交有問題,呢排真係好頭痛,喺學校俾某D老師投訴,因為有個百厭同學成日鍾意玩佢,上星期有日課後班,個同學打佢,佢還手,個同學扮受害者,於是老師就針對仔仔,我問仔仔,仔仔講話個同學打佢先,居然老師由得果個扮可憐同學走,仔仔就俾佢盤咗15分鐘,搞到個仔發脾氣,第二日仲有其他老師同我講番個仔打人,我好想續個同佢地講番成件事,但冇機會,好彩班主任明白,班主任仲好嬲,佢話課後班老師唔應該偏幫,其實打人先果個同學已經出名搞事精,最叻扮死狗,仲要學事非,如果唔理,大個之後會好麻煩,但個仔係人地嘅,佢個老豆一睇已知係串串果隻,當我仔話佢個仔打人,佢一句都唔話個仔,比著係我,我點都會同個仔講打人唔啱,而家老師只罰一個唔罰另一個非常唔合理,而且老師講明再有問題會唔俾仔仔上課後班,個隻百厭同學聽到仲唔加多幾錢咩,而家唯有教個仔如果俾人打唔好還手(不過好難,係佢本能反應),走去講俾老師聽,我同老公仲叫個仔,百厭同學講咩都唔好理,如果佢講衰嘢就走,果個百厭仔有一段時間追住我個仔叫佢做衰嘢,等仔仔俾人罰。我都唔明一個6歲小朋友點解會咁有機心,心地咁差!

    ReplyDelete
  2. 其實問題好簡單~首先教仔仔~爸媽相信是同學先扲您~但您還手....對都變了不對~消防員面對大火都要先用智識去觀察~不了解.....入火場~因為危險~.....下次再遇到同學.....就要冷靜.....
    其實大人介入最沒有意思~再加一些無謂猜測~只要對老師說~同學多次用不明白行為對仔仔~可能影響仔仔......可否老師去了解呢~如果再下去....上課時在這樣下去同學~仔仔會造成滋擾~對大家都不好~.....還加句.....相信.....都經常發生啦~
    [蚊難小王子回覆05/10/2012 16:46:53]教仔仔ignore 佢囉~~ ignore 佢, 佢就無隱架啦
    [版主回覆04/30/2012 11:33:15]咁我同李生次次都會問清楚,唔會聽One side story,至於老師,我講果幾個係課後班老師,一人睇住廿個小朋友,可以要求D咩?佢地只睇表面,班主任公平公正好多,佢話呢D情況兩個都罰,唔會只針對一個,課後班老師都同班主任講過,只係當時班主任唔知咩事,第二日我同佢講,班主任都勞氣,話老師唔應該Take Side,令玩人果個更有持無恐,被人罰果個又唔服氣。我同老公由幾個月前知道個百厭小朋友成日玩我地個仔,已經教仔仔唔好理佢,有問題叫佢D個百厭仔去一齊搵老師,仔仔已經唔多理個同學,但小朋友總係善忘,而且我個仔較純,佢真係個個同學仔都當係好朋友,我問佢有邊個係最好朋友,佢話有廿二個好朋友,佢成班計埋佢自己就係廿三人,即係佢個個都當係好朋友,可惜我所見,唔係個個都當佢係朋友呢。點解而家D小朋友咁複雜?

    ReplyDelete