基本髮型編法12：簡易曲髮之1

之前用過襪去鬈頭髮，簡單得嚟效果又好，今次嘅更方便，唔駛任何道具，或者講只要一個橡皮筋就完成，唯一要求係要識紥法國辮或荷蘭辮。

以前細個會紥三手辮瞓，瞓醒除咗個橡皮筋之後就有自然曲髮，但因為紥三手辮由耳下開始，所以出嚟效果就唔明顯又唔可以持久。但法國辮或荷蘭辮就可以改善呢方面不足，因為每一組鬢辮比較平均，又可以由頭頂開始，所以效果會明顯D，噴上少許定型水效果就可以較為持久。

首先由額角對上兩邊開始挑起頭髮，由頭頂中心位置開始鬢，跟住每編一組鬢辮就由左右兩邊加入頭髮，一直編至最尾，越低越好，因為你唔想底部有一段頭髮係直嘅。編好後安心去瞓，瞓醒後解下橡皮筋，就會有微鬈髮效果，用手指抓出想要嘅效果用髮型，之後就噴上少少定型水就可以啦，唔想噴都可以，只要唔係全日都喺室外俾風吹住，個曲髮都可以維持半日。