其實我對仔女同一般小朋友一樣，都鍾意食炸雞柳炸雞翼呢D咁熱氣嘅嘢，但李太一來覺得冇益，另一方面又好唔鍾意炸嘢，因為用得多油之餘，油煙又大，成個廚房炸完油膩晒，不過無意中見到一個cooking video講炸雞柳，賣點係健康，咁我又睇下點啦，其中一樣好關鍵嘅材料係個日式麵包糠，咁啱有人去Trader Joe's買嘢時見到有得賣，李生話咁去整嚟試下啦，於是就等到Smart ＆ Final雞胸減價就買咗一pack雞胸嚟試整。
材料：（約40至45塊）
雞胸 4個
雞蛋 3隻半
麵粉 4大匙
日式Panko麵包糠 1包（約用25大湯匙）
鹽 適量
做法：
1）雞胸洗淨切去脂肪，以半茶匙鹽撈勻，等雞肉略出水。
2）每件雞胸切成約10至12塊，每塊約手指長度，用紙吸乾水份。
3）準備三個大碗或盤，一個放麵粉，一個放打勻嘅雞蛋，最後一個放麵包糠，麵包糠不必一次過倒出份量，不妨續少放入，用完再加。
4）雞胸柳放入盛麵粉之碗中，沾上一層薄薄之麵粉。
5）雞柳由盛麵粉之碗中夾起，拍去多餘麵粉，放入蛋中均勻沾上蛋液。
6）將沾上蛋液的雞柳放入裝有麵包糠之碗中，沾上麵包糠。
7）油放鑊或煲中滾至木筷子放入後起泡就較中火，加入雞柳炸至肉全熟，表面呈金黃色即可以。
8）撈起雞柳放在吸油紙上吸去多餘油份。
9）攤涼少許後灑上鹽巴調味即成。
小心得：
1）以不同筷子或食物夾將雞柳由一個碗放入另一個碗中，切勿用同一對筷子或夾，因為會整濕到麵包同麵包糠，到時糊了麵粉就唔會形成粉粒一舊舊唔好食。
2）沾麵粉、蛋液或麵包糠時都不要貪心，只要薄薄一層全部肉都沾上就足夠，否則麵衣太厚就唔好食，又容易會肉同麵衣分離。
3）炸油中途如果太濁最好換過，或將用緊嘅油過濾出麵包糠渣。
4）整俾小朋友食最好將雞肉切得細條一D，就好似手指咁大就最適合。
5）調味係炸好後至落，咁就唔會因為炸時調味落晒去油度，搞到味太淡。
6）除咗鹽之外，鍾意食辣嘅可加入辣椒粒、胡椒碎等成為椒鹽雞柳。
7）其實今次係半煎炸，油只浸到雞塊一半多D，炸完一邊反轉再炸另一邊，一來可以唔駛用咁油，二來好似冇咁油膩。
後記：
整好俾三個大帝試味，李生話好食，呢個食譜得呀，仔仔以行動表示支持，佢一開始就食咗5大塊，豬扒妹話太醎，我估係D鹽走埋一塊度，不過佢都話好食，第一盤十幾塊好快去晒，不過我總共炸咗3盤成四十幾塊，聽日午餐有著落啦。
材料：（約40至45塊）
雞胸 4個
雞蛋 3隻半
麵粉 4大匙
日式Panko麵包糠 1包（約用25大湯匙）
鹽 適量
做法：
1）雞胸洗淨切去脂肪，以半茶匙鹽撈勻，等雞肉略出水。
2）每件雞胸切成約10至12塊，每塊約手指長度，用紙吸乾水份。
3）準備三個大碗或盤，一個放麵粉，一個放打勻嘅雞蛋，最後一個放麵包糠，麵包糠不必一次過倒出份量，不妨續少放入，用完再加。
4）雞胸柳放入盛麵粉之碗中，沾上一層薄薄之麵粉。
5）雞柳由盛麵粉之碗中夾起，拍去多餘麵粉，放入蛋中均勻沾上蛋液。
6）將沾上蛋液的雞柳放入裝有麵包糠之碗中，沾上麵包糠。
7）油放鑊或煲中滾至木筷子放入後起泡就較中火，加入雞柳炸至肉全熟，表面呈金黃色即可以。
8）撈起雞柳放在吸油紙上吸去多餘油份。
9）攤涼少許後灑上鹽巴調味即成。
小心得：
1）以不同筷子或食物夾將雞柳由一個碗放入另一個碗中，切勿用同一對筷子或夾，因為會整濕到麵包同麵包糠，到時糊了麵粉就唔會形成粉粒一舊舊唔好食。
2）沾麵粉、蛋液或麵包糠時都不要貪心，只要薄薄一層全部肉都沾上就足夠，否則麵衣太厚就唔好食，又容易會肉同麵衣分離。
3）炸油中途如果太濁最好換過，或將用緊嘅油過濾出麵包糠渣。
4）整俾小朋友食最好將雞肉切得細條一D，就好似手指咁大就最適合。
5）調味係炸好後至落，咁就唔會因為炸時調味落晒去油度，搞到味太淡。
6）除咗鹽之外，鍾意食辣嘅可加入辣椒粒、胡椒碎等成為椒鹽雞柳。
7）其實今次係半煎炸，油只浸到雞塊一半多D，炸完一邊反轉再炸另一邊，一來可以唔駛用咁油，二來好似冇咁油膩。
後記：
整好俾三個大帝試味，李生話好食，呢個食譜得呀，仔仔以行動表示支持，佢一開始就食咗5大塊，豬扒妹話太醎，我估係D鹽走埋一塊度，不過佢都話好食，第一盤十幾塊好快去晒，不過我總共炸咗3盤成四十幾塊，聽日午餐有著落啦。
No comments:
Post a Comment