第127款：The Hunger Game系列之1打斜荷蘭辮

大家有冇聽過The Hunger Game，呢套戲美國一上畫已經有破紀錄票房，而家累積原房有一億五千二百萬，真係好利害，好多人將The Hunger Game同The Twilight Saga相比，因為都係一個女主角加兩個男主角，後者紅咗做Bella嘅Kristen Stewart，佢仲同戲中飾演Edward嘅Robert Pattison戲假情真。兩者所唔同嘅係The Twilight Saga好明顯係愛情故事，而The Hunger Game暫時都會係一套關於掙扎生存嘅故事，著墨重點不在女主角嘅感情生活上，而是那一個殘酷嘅生存遊戲。飾演女主角Katniss嘅Jennifer Lawrence只有廿一歲，上一年就態Winter Bone被提名奧斯卡，真正來頭不少，亦証明係好戲之人，雖然不是大美人，但宣傳The Hunger Game活動上打扮每有佳作。

呢一套戲中無論主角配角都令人留下印象。主角Katniss有幾款髮型好值得參考......





呢個係戰鬥時穿著皮衣手執弓箭時梳嘅，其實我好耐之前都有紥過類似，不過我紥係由上偏左織向下偏右，而片中女主角呢一個就係多過45度角打斜由左織向右。

今次由豬扒妹示範：




首先由左邊前方抽起一束頭髮，分成三份，用荷蘭辮方式打斜約45主角織向右邊，分別由頭頂同左邊兩部份加入頭髮，去到過咗頭中心位置，左邊頭髮都已加晒入條辮度，於是就將下面同右半邊頭嘅頭髮加入，一直至加晒所有頭髮就繼續以三手荷蘭辮方法緒到尾，唔一定要織到最尾，可以留番一定份量頭髮喺尾部份。

因為同哥哥打交留低嘅幾道疤痕，正好配合呢個造型。