Friday, December 23, 2011

第121款:應節聖誕士的糖法國辮

呢一個係喺一個專講小女孩髮型嘅網誌睇到架,原網係
http://www.princesshairstyles.com/2011/12/candy-cane-french-braid-with-ribbon.html,個網主同李太一樣有個女,幫女兒梳辮係樂趣,亦係母女間相處嘅美好時光。呢次講嘅係用法國辮編法整一個士的糖(candy cane)。豬扒妹同我睇完片,佢就話要梳呢個頭,因為佢覺得而家係聖誕節,佢又收到不少同學送嘅士的糖。




首先將分界挑過一D,由一邊眼尾對上位置開始分,之後打直抽出一小束頭髮,開始以半法國辮由左鬢至右,由前面加入頭髮,呢個係士的糖手柄轉彎部份,鬢嘅時候最少都要打橫紥,因為一般咁紥法國辮,好容易會將條辮打斜拉咗向後,咁枝士的糖就唔成型架啦。



編到約右眼尾對上部份,手柄轉彎部份已完成,而家係梳士的直立果一部份,改由另一邊加入頭髮續由右向左打斜編,織到認為已夠長就可以再織多幾組三手辮收尾。原作再織入絲帶突出士的糖造型,我冇幫豬扒妹咁紥,因為返學會午睡,到時豬扒妹會自己除低,到時唔係唔見咗,就係亂晒,所以就冇加絲帶。如果去聖誕party,不妨加條紅色絲帶或聖誕花頭夾做裝飾。

No comments:

Post a Comment