平安夜果日李生約咗朋友兩父女一齊食午餐，李生想去試一間叫Manor Coffee Shop嘅小餐廳，係一間懷舊美式餐廳，裝修陳設好有old school feel，連女侍應都係著傳統coffee shop嘅粉紅色連色裙加白色圍裙。
我地去正值聖誕節，裏面好有聖誕氣氛：聖誕襪、sugar canes、聖誕燈、聖誕鐘...天花板仲有一對假聖誕老人腳，幾鬼幽默
門口同水吧都有一個倒數聖誕嘅鐘，提醒客人仲有幾多個鐘就到12月25日。
豬肉扒妹同哥哥對門口嘅Snoppy同Mickey好有興趣，
入到去仲有兩架大玩具車放喺客人坐嘅櫈上面，好似時光倒流去到淘金年代咁。
我地坐門口果張長枱，中間無端端有條柱，不過餐廳老闆都好有心思，條柱繞滿聖誕絲帶同好似sugar canes嘅燈飾，煞是可愛。水吧前嘅一排座位上都有聖誕帽放椅背上做裝飾。
牆上掛咗好多張三藩市嘅相片，全部都係幾十年前同幾十年後嘅對照，由多張相片做成panorama view，客人可以睇到三藩市幾十年來轉變，呢兩張應該係San Francisco Downtown，下面果張係多年前，好多地方都未開發，上面果張高樓大廈林立，加埋星星燈，好有歲月留聲電影感覺。
呢個係兒童餐餐牌，US$6.25唔係好平，不過喺West Portal呢個屬於有錢區嚟講就唔係算貴，有7種主菜選擇加埋一杯大人size嘅soda 或Blue Mountain Blast，之後又有雪糕，小朋友最鍾意。
哥哥要咗個熱狗薯條，個熱狗係普通size 2-half hotdog，哥哥差少少至食得晒。
豬扒妹要chicken nuggets加薯條，都唔算細份。
侍應EE好好人，upgrade哥哥果杯餐飲做熱朱古力，未影得到相，哥哥已經食晒熱朱古力上面嘅whipped cream。
呢杯係豬扒妹嘅Blue Mountain Blast，李太試過味道其實麻麻地，豬扒妹一向對甜嘢都一般，而且呢個幾大杯，佢飲唔晒。
李生要嘅芝士漢堡餐，有芝士漢堡、蕃茄、生菜同洋蔥，又有薯條，typical American meal。
李太叫咗個早餐（早餐serve到下午3點）：可以揀煙肉或腸仔（我要咗煙肉，因為哥哥同豬扒妹鍾意食，結果李太同豬扒妹每人食咗半條，哥哥食咗一條），加一隻蛋（我要炒蛋）同一個waffle，個waffle好似唔係好厚，但我食完飽到上心口。
飯後小朋友每人一個雪糕球，三個小朋友都揀朱古力味。
餐廳仲有兩個出名嘅特式嘢：1）串串薯條，有不同味道，每份$4.75，望落都幾吸引，不過我地幾乎個個餐都有薯條，所以今次冇叫到，2）甜薯條，即係用蕃薯做嘅薯條，比起普通薯條有益，我都有時喺Trader Joe's買一包包雪嘅自己焗嚟食，今次都係冇叫到。
埋單唔知幾多錢，因為豬扒妹要去廁所，兩個大男人埋單，不過六個餐+tax應該唔過US$50。 唔係平，不過我地唔係成日會去呢種餐廳食嘢，叫做俾兩兄妹有唔同嘅體驗，果日係平安夜，老闆好好人，每個小朋友派一枝士的糖，唔係細細枝果種，係有成七八吋長嘅sugar canes，兩兄妹想食，俾李太制止，不過佢地兩個都知食太多糖會肚仔痛同甩牙，哈哈，李太繼續洗腦：唔好食糖，唔好食糖，唔好食糖.........
Manor Coffee Shop 地址:
321 W Portal Avenue, San Francisco, CA 94127
開星期一至六7:30am至8:00pm, 只收現金，不設訂位
我地去正值聖誕節，裏面好有聖誕氣氛：聖誕襪、sugar canes、聖誕燈、聖誕鐘...天花板仲有一對假聖誕老人腳，幾鬼幽默
門口同水吧都有一個倒數聖誕嘅鐘，提醒客人仲有幾多個鐘就到12月25日。
豬肉扒妹同哥哥對門口嘅Snoppy同Mickey好有興趣，
入到去仲有兩架大玩具車放喺客人坐嘅櫈上面，好似時光倒流去到淘金年代咁。
我地坐門口果張長枱，中間無端端有條柱，不過餐廳老闆都好有心思，條柱繞滿聖誕絲帶同好似sugar canes嘅燈飾，煞是可愛。水吧前嘅一排座位上都有聖誕帽放椅背上做裝飾。
牆上掛咗好多張三藩市嘅相片，全部都係幾十年前同幾十年後嘅對照，由多張相片做成panorama view，客人可以睇到三藩市幾十年來轉變，呢兩張應該係San Francisco Downtown，下面果張係多年前，好多地方都未開發，上面果張高樓大廈林立，加埋星星燈，好有歲月留聲電影感覺。
呢個係兒童餐餐牌，US$6.25唔係好平，不過喺West Portal呢個屬於有錢區嚟講就唔係算貴，有7種主菜選擇加埋一杯大人size嘅soda 或Blue Mountain Blast，之後又有雪糕，小朋友最鍾意。
哥哥要咗個熱狗薯條，個熱狗係普通size 2-half hotdog，哥哥差少少至食得晒。
豬扒妹要chicken nuggets加薯條，都唔算細份。
侍應EE好好人，upgrade哥哥果杯餐飲做熱朱古力，未影得到相，哥哥已經食晒熱朱古力上面嘅whipped cream。
呢杯係豬扒妹嘅Blue Mountain Blast，李太試過味道其實麻麻地，豬扒妹一向對甜嘢都一般，而且呢個幾大杯，佢飲唔晒。
李生要嘅芝士漢堡餐，有芝士漢堡、蕃茄、生菜同洋蔥，又有薯條，typical American meal。
李太叫咗個早餐（早餐serve到下午3點）：可以揀煙肉或腸仔（我要咗煙肉，因為哥哥同豬扒妹鍾意食，結果李太同豬扒妹每人食咗半條，哥哥食咗一條），加一隻蛋（我要炒蛋）同一個waffle，個waffle好似唔係好厚，但我食完飽到上心口。
飯後小朋友每人一個雪糕球，三個小朋友都揀朱古力味。
餐廳仲有兩個出名嘅特式嘢：1）串串薯條，有不同味道，每份$4.75，望落都幾吸引，不過我地幾乎個個餐都有薯條，所以今次冇叫到，2）甜薯條，即係用蕃薯做嘅薯條，比起普通薯條有益，我都有時喺Trader Joe's買一包包雪嘅自己焗嚟食，今次都係冇叫到。
埋單唔知幾多錢，因為豬扒妹要去廁所，兩個大男人埋單，不過六個餐+tax應該唔過US$50。 唔係平，不過我地唔係成日會去呢種餐廳食嘢，叫做俾兩兄妹有唔同嘅體驗，果日係平安夜，老闆好好人，每個小朋友派一枝士的糖，唔係細細枝果種，係有成七八吋長嘅sugar canes，兩兄妹想食，俾李太制止，不過佢地兩個都知食太多糖會肚仔痛同甩牙，哈哈，李太繼續洗腦：唔好食糖，唔好食糖，唔好食糖.........
Manor Coffee Shop 地址:
321 W Portal Avenue, San Francisco, CA 94127
開星期一至六7:30am至8:00pm, 只收現金，不設訂位
呢度幾好喎，搭巴士去都得。
ReplyDelete[版主回覆12/30/2011 14:40:32]都幾好呀，環境好家庭式，又有懷舊感，交通方便，但係果度係細餐廳，多人去要避繁忙時間。