玻璃曲奇革命第一擊 Glass Cookie Challenge

今晚又整咗玻璃曲奇，老公投訴上次D硬糖咬崩牙，
佢想可以曲奇連中間嘅糖一齊食，於是叫我試下軟糖、棉花糖咁，
試咗幾個組合，軟糖唔溶，棉花糖溶但唔會化開，今次因為試，
所以就較細咗個溫度，續5分鐘拎出嚟睇，見到唔係好多掂，
即時加咗上次D硬糖補飛，出嚟個曲奇真係正到冇朋友，
但中間嘅軟糖超唔好食，因為太痴牙，

反而個樣唔太靚嘅棉花糖（因為唔化開）係出奇地脆口。

個棉花糖加軟糖都麻麻地。

我估今次係個軟糖問題，因為係屬於gummy果類，或者下次搵過另一隻軟糖。

最正嘅係純正嘅杏仁曲奇心心。

第一次玻璃曲奇革命失敗咗，呢兩晚再嚟過。