聖誕節系列之五：聖誕節一家人排排坐食大餐

今年聖誕大餐由李生李太主理，因為99出了埠，家中只有62同叔仔，一般聖誕節夜會約埋姑仔一家（包括姑仔62、99同小姑）、李太父母細佬等，足足有12個大人3個小朋友，李生李太一早盤算要煮多少個菜和份量，這一餐足足準備咗一日一夜。

呢度係大部份食物，影唔到冬菇炆排骨、沙律同甜品。

烘鬆餅（有人晚飯前偷食咗兩個）

肉碎黃芽白

肉碎炒西洋菜

我99嘅傳統：焗蕃薯

焗雞槌（居然係最受歡迎）

西蘭花炒蝦魚蛋

成餐嘅主角：Roasted Beef，焗咗幾個鐘，居然係好軟又好多肉汁

甜品：焗菠蘿批

原來仲有火腿，不過實在係太多餸，最後冇整到，冇影到嘅仲有焗三文魚、雜果沙律、雜菜沙律同湯。老外同中國人飲食習慣不同，姑仔嫁與老外，佢地對medium well嘅焗牛不太喜歡，反而對西洋菜肉碎頗欣賞，最愛焗雞槌同焗菠蘿批。

未焗好嘅三文魚

晚飯後係拆禮物時間，呢一大堆包括俾小朋友及不同嘅大人。

因為99將屋企棵膠聖誕樹放得實在太好啦，我地搵唔到，豬扒妹、哥哥知道唔可以砌聖誕樹非常唔開心，好在姑仔帶咗呢一棵嚟，叫做應下節咁啦。

今晚玩到過咗瞓覺時間，兩個媽咪嘅心肝寶貝玩到顛咗，算啦，一年一次過節，大人小朋友都要輕鬆一下。