聖誕節系列之二：聖誕樹 Christmas Trees

李生李太屋企太細，放唔落聖誕樹，但邊個小朋友會唔鍾意見到聖誕樹？所以就襯出街就帶豬扒妹同哥哥去睇吓不同嘅聖誕樹。

呢棵聖誕樹好大好高，傳統裝飾嘅聖誕波波同聖誕吊飾，又紅又金，幾層樓高，好靚架，哥哥對個金色波波好有興趣。想去睇下可以去Stonestown個mall，喺正個入口就會見到，仲有可以同聖誕老人影相，不過要俾錢都幾貴架，今次我地冇影到。

另外，呢一次就係去Japantown個mall，呢一棵聖誕樹得一個人咁上下高，但就用咗日本傳統摺紙嘅千紙鶴同紙花，望同影相都好有特色，初初豬扒妹話唔影，因為唔知果D紙鶴係咩，佢話唔靚喎。

 

 

另一棵係個Japantown mall另一邊嘅小聖誕樹，裝飾用不同顏色嘅布魚，豬扒妹好鍾意，自動自覺行埋去謀殺菲林。

 

呢個係一間餐廳門外嘅燈飾，都好有聖誕氣氛。

 

 

仲有呢棵都幾傳統嘅聖誕樹，色係單調D，但現場睇都好靚好聖誕，呢棵係喺downtown某大樓個室外podium度，朝早下午都有人會坐喺度嘆咖啡食晏。