第113款：荷蘭辮側髺

最近鍾意整吓側髺，因為呢排都幾興，你睇荷李活好多女星出嚟都會梳個側髻，而家講呢款梳起嚟都好古典。

首先由頭嘅一邊開始（我由左邊，因為梳側界，左邊少分D頭髮）梳一條荷蘭辮，要左右兩邊都加入頭髮，唔好梳得太緊，唔駛要100％完美順滑，呢個要鬆鬆地先靚，我甚至係紥到一半續一組去拉鬆少少。

呢條荷蘭辮要由左邊織向右邊，中間要將條辮織過頭頂中間位置，到加晒所有頭髮就以三手織到尾。

之後將條三手辮由尾向上對折，將髮尾攝入條辮下面，以髮夾固定於右耳側，連條橡皮筋都隱藏喺條辮下面。

係咪幾古典呢？由前面睇都好靚架。