第132款：荷蘭鬢辮變化款 Dutch Braid Variation

法國辮荷蘭辮已經係豬扒妹成日梳嘅髮型基礎，有時都手痕諗下有咩變化，有時係心中有個初稿諗定點紥，有時係拎到頭髮上手，紥下紥下有靈感，呢個係後者，大前提係將會遮面嘅頭髮紥晒上去唔篤眼。

我係先由左邊前面抽起一小束頭髮，分成三等份，以半荷蘭辮方式，只由下面加入頭髮，加嘅時候要留意頭髮下方嘅頭髮分界要平整，唔好一忽多忽少，要儘量跟番頭型，同時上面頭髮要平滑。

去到頭中心部份，我改由頭前方加入頭髮，而條鬢辮方向就唔係向前方，而係成一直線垂嘅耳旁邊。