第123款：雙士的糖鬢辮

呢個係士的糖鬢辮嘅變款，由兩「枝」士的糖組成，士的糖辮紥法可以參考呢一度。

首先將頭髮分中間界，由一邊頭嘅前面抽出一小束頭髮，分成三小束，由最近面嘅一束開始向後面織一手三手辮，當織完一組鬢辮後，就以法國辮方法由前面加入頭髮，直至去到耳邊，就轉向頭頂由另一邊加入頭髮，再織至頭頂中間（即頭頂鑽位）停止，然後將手上頭髮以三手辮收尾。

兩面頭髮都同樣織成兩條半法國三手辮，完成兩條辮仔後，拉去頭後面綁成一條，完成後由後面睇就係兩條士的糖，為求神似，我加上一個花花夾喺中間，呢個幾乎係聖誕期間豬扒妹日日梳嘅髮式。