一對仔女自從上次去完Manor Cafe，飲過熱朱古力之後，就愛上了呢種咁高脂嘅飲品，其實又冇可厚非嘅，李太都鍾意飲，尤其是冬天冷到對手仔都結晒冰嘅日子，捧住一杯熱辣辣朱古力，暖在手又暖在心，飲完成個人暖笠笠。原來李生一早整過熱朱古力俾對仔女飲，應該係喺周末李太賴床嘅時候，因為哥哥可以話俾我聽爸爸係加D咩入去，而我係唔知道屋企原來有D咁嘅嘢，我真係一個失敗嘅主婦！呢日朝早，李生要修理間屋，對仔女想黏住爸爸，所以我提議整熱朱古力飲。
材料：（整兩個半杯）
鮮奶 適量（我用杏仁豆奶）
朱古力粉 兩包（每包0.55安士約16g）
細粒棉花糖 隨意
打發忌廉 少許
做法：
1）鮮奶倒入煲內煮到起蝦眼。
2）加入朱古力粉拌勻，煮至滾。
3）倒出杯中，撒上細粒棉花糖。
4）打發忌廉加入朱古力中即成。
今次由取材料到煮好，哥哥同豬扒妹都有參與，哥哥去雪櫃攞奶攞忌廉，豬扒妹唔知邊度搵到兩包熱朱古力粉，到我煮果陣，兩個想擔櫈仔睇，但因為爐火太危險，我只係俾佢地遠觀，唔可以行近個火，之後哥哥拎杯，我倒出朱古力派棉花糖，完全係一個team work，我享受個過程，佢地鍾意個成果，超正親子活動。
材料：（整兩個半杯）
鮮奶 適量（我用杏仁豆奶）
朱古力粉 兩包（每包0.55安士約16g）
細粒棉花糖 隨意
打發忌廉 少許
做法：
1）鮮奶倒入煲內煮到起蝦眼。
2）加入朱古力粉拌勻，煮至滾。
3）倒出杯中，撒上細粒棉花糖。
4）打發忌廉加入朱古力中即成。
今次由取材料到煮好，哥哥同豬扒妹都有參與，哥哥去雪櫃攞奶攞忌廉，豬扒妹唔知邊度搵到兩包熱朱古力粉，到我煮果陣，兩個想擔櫈仔睇，但因為爐火太危險，我只係俾佢地遠觀，唔可以行近個火，之後哥哥拎杯，我倒出朱古力派棉花糖，完全係一個team work，我享受個過程，佢地鍾意個成果，超正親子活動。
李太唔想豬扒妹真係變豬，所以好cheap咁俾咗少少打發忌廉落隻杯度，佢同哥哥兩個反而對D棉花糖好有興趣，因為爸爸未俾過佢地咁食法。當我喺廚房洗完個煲，兩個小朋友已經食晒棉花糖啦，真係有咁好食嗎？
呢種almondmilk 成份有咩咖?
ReplyDelete係香港買實勁貴=.=
不過熱朱古力我覺得最好味係用semi-sweet dark chocolate同奶一齊整
有時整cake剩返我就會煲嚟飲^^
[版主回覆01/14/2012 03:08:53]呢隻奶比牛奶多50％鈣，冇飽和脂肪同膽固醇，100％ lactose-free，所以有好多飲唔到牛奶嘅人都可以飲呢隻。因為個仔濕疹好勁，時好時壞，我地就試俾豆奶杏仁奶佢飲，初初以為好難飲，點知係好滑好好味，呢邊買都比牛奶貴架，有時都會等減價至買，不過係對仔女飲嘅食嘅，貴少少都好啦。係呀，semi-sweet果隻chocolate chips最正，要幾濃就加幾多，不過屋企咁啱有呢隻，個仔拎俾我就整啦，我估係我老公買嘅，嘻嘻。
哈哈~雖然只是看您BLOG~但也感到很溫馨~以過來人經驗之談~是一種儲值~它日孩子真是有些不同~
ReplyDelete[版主回覆01/15/2012 13:44:14]哈哈，多謝，承你貴言。