Gilroy Garden 一日遊之1

2011年10月

呢一次寫舊blog（仲要好舊），相片一早upload咗上嚟，但就漏咗寫。Gilroy Garden係一個theme park，原本係一個有錢人嘅私人公園，只開放俾自己朋友同員工，後來開放俾公眾，每年只有幾個月經營，因為天氣冷或雨天都唔適合，而九成都係戶外機動遊戲。由早兩三年開始因為經濟唔好，Gilroy Garden就出coupons，真係平好多，平日去每張票要三十幾，前年試過$9.99，上一年$12.99，今年就$14.99，但點都比平日廉價，又咁啱有萬聖節節目，叫做多D嘢睇咁啦。今次去到大門未開，要排隊等入去。

影番張相先，當日都好熱，Gilroy Garden夏天可以去到成百度，10月冇咁熱，但都可以足夠著短袖衫短褲。

因為有萬聖節treasure hunt，門口個個小朋友都有一個袋派，裏面有treasure hunt嘅地圖同一枝鉛筆，叫佢地兩個影相，佢地就玩，因為太興奮啦。

呢張原本想唔放出嚟，哥哥影到李太好肉酸。

入到去沿途有好多萬聖節裝飾，來自不同團體或學校，哥哥好有興趣，佢覺得好得意。

豬扒妹好驚蜘蛛，又唔鍾意巫婆，醜樣嘅唔鍾意，太驚嚇嘅又驚，幾經又氹又呃至肯喺呢個巫婆前面影一張。

哥哥最鍾意嘅賽車，佢鍾意扭個軚架車會走向裏面或外面，因為我地早到呢度，佢地坐咗兩三次。

差不多嘅消防車機動，呢個都玩咗兩次。

跟住去會合李太嘅同事一家同佢地嘅朋友，玩咗一陣小迷宮Mini Maze。

呢個係小氫氣球機動，因為係盪下盪下，哥哥好驚捉住我，之後唔係轉得太快仲可以。

跟住去小動物園，喺門口見到工作人員帶住條蛇，哥哥好有興趣又摸又問條蛇叫咩名食咩嘢，豬扒妹驚唔敢掂。

個動物園其實好臭，都係一D雞鴨、馬羊，仲有幾隻駝馬Llama，睇住遊人等餵食物，買食物都幾貴，所以我地冇買到飼料，又驚D小動物唔知有冇箘，都係唔好俾哥哥摸為妙。

坐火車就最開心，今次坐唔到車頭，但繞園一周已夠過足癮。

再嚟係坐咖啡杯，豬扒妹好開心，轉得越快轉笑，

但哥哥就慘啦，當時全部人都聽到佢大聲叫大聲喊：Mommy, I want to get down. I don't want to play, I'm scared。呢張可以見到佢喊咁口。

呢一張正正常常係已經玩完，隻咖啡杯已經停咗。