OK，雖然果兩隻富貴雞唔係整得太富貴（哈哈，今次真係獻醜啦），我都想講吓點整，大家可以參考吓。
材料：
全雞 1隻（劏淨洗淨，唔要內臟）
荷葉 2塊（多少跟雞大小同荷葉大小而定）
橄欖油 適量
餡料
包括半肥瘦豬肉、金針、雲耳、冬菇，多少隨意。
醃料：
生抽 3湯匙
老抽 1湯匙
麻油 1-1/2湯匙
米酒 1湯匙
鹽 2茶匙
糖 1茶匙
薑汁 1湯匙
包裹荷葉雞嘅材料：
1）錫紙適量
2）用麵粉、水、酒、鹽搓成一個麵團
做法：
1）雞先放雪櫃風乾一日
2）將醃料拌勻塗勻雞內外，再室溫風乾3小時，中間隔1小時再掃一層醃汁，即共掃上3層醃汁，等雞充分吸收醃汁入味
3）荷葉用水浸軟待用，都要幾耐吓。
4）冬菇、雲耳放水中浸軟後，瀝乾切絲
5）金針水中浸軟瀝乾
6）半肥瘦肉切絲加入醃汁醃半小時
7）把冬菇雲耳金針加入瘦肉中，加入1至2湯匙醃汁拌勻。
8）將荷葉攤開，要保証荷葉冇穿同夠大包晒隻雞。我呢一塊中間穿咗窿，所以我要加多一塊。
9）雞放荷葉中，雞表面掃上一層橄欖油，將肉絲等餡料釀入雞肚內，填滿後以牙籤將雞尾部份穿起收口，防止餡料、汁液漏出。
10）荷葉包裹全隻雞後，室溫靜置3小時，之後用錫紙或麵團將整隻荷葉雞包實。
11）焗爐要預熱至450度，先焗30分鐘，較低至350度焗1個小時40分鐘。若用錫紙包裹，可解開錫紙同荷葉檢查雞是否已全熟。若用麵團包裹，焗完之後個麵團會變硬，要以匙羹打裂個麵團至可以睇到。
呢隻係用錫紙包嘅。肉算好嫩滑，剛剛好熟，肉已經淋晒，連骨都係脆嘅，拆骨冇難度。
點解會冇咗一忽皮同肉? 因為李生喺我行開咗時試味切咗出嚟，好切唔切，切正果度，影相出嚟好醜怪。
去肉拆骨後得番一棚骨，哈哈。
呢個係焗好咗用麵團包果隻雞，成個麵團係硬嘅，好似個殼咁，要用匙羹打爛至開到。
可惜塊皮黏實荷葉，一拉開就連皮都甩埋，可惜。
肉係好軟，但有D overcooked，所以就乾乾地，加上個麵團漏窿，D肉汁漏晒出嚟，做唔到煨熟嘅效果，都算OK，但唔係李太想要果個樣。
小貼士：
1）荷葉最好係新鮮，但通常買到嘅都係乾貨，必須先泡夠水浸軟至用得。
2）餡料可以考慮加入蝦米、梅菜等會更惹味。
3）包裹荷葉雞嘅無論係錫紙或麵團都要夠大夠厚至可以將肉汁鎖住，做到將雞煨熟嘅效果。
4）個個焗爐溫度都有差別，我個老爺爐已步入暮年，所以通常都要較大少少爐溫，初次做要預咗要試溫度同時間。
5）上碟解開隻雞時最好放一個盤中或深D嘅碟上，因為肉汁會瀉晒出嚟，D汁留番嚟淋上雞肉同餡料上，有剩用嚟撈麵一流，千萬唔好倒咗。
6）整呢隻雞工夫好多，要足夠時間等隻雞入味，今次我太趕，整得唔夠好。
7）醃潭不妨整得醎味D，因為雞有咁大隻，而且餡料中冬菇、金針、雲耳等都要調味。
後記：我分別用兩個不同包裹方法去試做，一樣焗咁多時間，一樣咁嘅溫度，用錫紙包果隻肉質嫩滑D，同埋個皮完整無缺；用麵團包果隻就over咗，皮黏住荷葉，結果成為冇皮雞，而且因為個麵團太薄隻雞太重，喺個麵團底穿咗個窿，D汁漏晒出個焗盤度，所以肉質相對較乾。我個人覺得今次係錫紙荷葉雞好食D，但下次會整大D整厚D個麵團再試過。各位如果試完有心得，請上嚟分享。
材料：
全雞 1隻（劏淨洗淨，唔要內臟）
荷葉 2塊（多少跟雞大小同荷葉大小而定）
橄欖油 適量
餡料
包括半肥瘦豬肉、金針、雲耳、冬菇，多少隨意。
醃料：
生抽 3湯匙
老抽 1湯匙
麻油 1-1/2湯匙
米酒 1湯匙
鹽 2茶匙
糖 1茶匙
薑汁 1湯匙
包裹荷葉雞嘅材料：
1）錫紙適量
2）用麵粉、水、酒、鹽搓成一個麵團
做法：
1）雞先放雪櫃風乾一日
2）將醃料拌勻塗勻雞內外，再室溫風乾3小時，中間隔1小時再掃一層醃汁，即共掃上3層醃汁，等雞充分吸收醃汁入味
3）荷葉用水浸軟待用，都要幾耐吓。
4）冬菇、雲耳放水中浸軟後，瀝乾切絲
5）金針水中浸軟瀝乾
6）半肥瘦肉切絲加入醃汁醃半小時
7）把冬菇雲耳金針加入瘦肉中，加入1至2湯匙醃汁拌勻。
8）將荷葉攤開，要保証荷葉冇穿同夠大包晒隻雞。我呢一塊中間穿咗窿，所以我要加多一塊。
9）雞放荷葉中，雞表面掃上一層橄欖油，將肉絲等餡料釀入雞肚內，填滿後以牙籤將雞尾部份穿起收口，防止餡料、汁液漏出。
10）荷葉包裹全隻雞後，室溫靜置3小時，之後用錫紙或麵團將整隻荷葉雞包實。
11）焗爐要預熱至450度，先焗30分鐘，較低至350度焗1個小時40分鐘。若用錫紙包裹，可解開錫紙同荷葉檢查雞是否已全熟。若用麵團包裹，焗完之後個麵團會變硬，要以匙羹打裂個麵團至可以睇到。
呢隻係用錫紙包嘅。肉算好嫩滑，剛剛好熟，肉已經淋晒，連骨都係脆嘅，拆骨冇難度。
點解會冇咗一忽皮同肉? 因為李生喺我行開咗時試味切咗出嚟，好切唔切，切正果度，影相出嚟好醜怪。
去肉拆骨後得番一棚骨，哈哈。
呢個係焗好咗用麵團包果隻雞，成個麵團係硬嘅，好似個殼咁，要用匙羹打爛至開到。
可惜塊皮黏實荷葉，一拉開就連皮都甩埋，可惜。
肉係好軟，但有D overcooked，所以就乾乾地，加上個麵團漏窿，D肉汁漏晒出嚟，做唔到煨熟嘅效果，都算OK，但唔係李太想要果個樣。
小貼士：
1）荷葉最好係新鮮，但通常買到嘅都係乾貨，必須先泡夠水浸軟至用得。
2）餡料可以考慮加入蝦米、梅菜等會更惹味。
3）包裹荷葉雞嘅無論係錫紙或麵團都要夠大夠厚至可以將肉汁鎖住，做到將雞煨熟嘅效果。
4）個個焗爐溫度都有差別，我個老爺爐已步入暮年，所以通常都要較大少少爐溫，初次做要預咗要試溫度同時間。
5）上碟解開隻雞時最好放一個盤中或深D嘅碟上，因為肉汁會瀉晒出嚟，D汁留番嚟淋上雞肉同餡料上，有剩用嚟撈麵一流，千萬唔好倒咗。
6）整呢隻雞工夫好多，要足夠時間等隻雞入味，今次我太趕，整得唔夠好。
7）醃潭不妨整得醎味D，因為雞有咁大隻，而且餡料中冬菇、金針、雲耳等都要調味。
後記：我分別用兩個不同包裹方法去試做，一樣焗咁多時間，一樣咁嘅溫度，用錫紙包果隻肉質嫩滑D，同埋個皮完整無缺；用麵團包果隻就over咗，皮黏住荷葉，結果成為冇皮雞，而且因為個麵團太薄隻雞太重，喺個麵團底穿咗個窿，D汁漏晒出個焗盤度，所以肉質相對較乾。我個人覺得今次係錫紙荷葉雞好食D，但下次會整大D整厚D個麵團再試過。各位如果試完有心得，請上嚟分享。
No comments:
Post a Comment