拜年 @ 恭賀龍年

雖然係遲咗少少，因為新年都冇假放，仲要做到冇時停，連食中午飯都係三扒兩撥，一邊做一邊食。事不宜遲，豬扒妹出嚟同大家講：恭喜新年快樂，身體健康。

呢件紅色衫仔上年著有大，今年幾啱身，呢邊好少買到咁靚架，係我個堂妹唔啱著俾豬扒妹嘅。

加埋個靚靚頭，今個新年打扮似樣啦，

豬扒妹初初唔肯著，話要著另外一條全白色嘅或者另一條黑色嘅，新年流流當然唔好啦，最後爸爸出馬話佢好靚，好似一朵紅色玫瑰花咁佢至肯著。

到哥哥出嚟拜年啦，呢件衫仔又係二手環保循環再用，係哥哥表哥仔著過架，十二分有新年氣氛，哥哥都好鍾意著，但我冇俾佢著返學，因為驚唔夠暖，又驚佢玩果時勾爛件衫就唔好啦。

祝各方友好: 龍年生活愉快 龍馬精神
心想事成 笑口常開 家肥屋潤食飽飽