李太新玩具之2：Hair rollers foam curlers

話說昨日收到我D新玩具，夜晚襯老公、豬扒妹同哥哥瞓咗之後，
開晒出嚟玩吓，試咗套Hair Rollers Foam Curlers，我明知我頭髮多，
所以一次過買咗兩set，每set 6個，即係12個，都夠我咁多頭髮用。

每個curler有一個開口喺中間，用嘅時候將頭髮攝入中間，要卷起就係，
好似以前興過D髮卷棒咁用，但呢個好用D，因為有個位置hold住頭髮，
髮卷棒就冇啦。用嘅時候最緊要係攝到仲有兩三吋髮尾，

然後幾髮尾撓返住個curler，先再卷上去卷實上面D頭髮，

去到邊度收就要睇吓你想成個頭鬈，定係髮尾鬈，我今次係卷到去耳對上，
基本上由眉毛對下都係卷晒入去。

整晒成個頭，個樣都幾鬼搞嘢，好有卡通feel，

希望我素顏個樣冇嚇親你啦，夜嗎嗎就瞓冇理由走去再化粧呀嘛。

之後我就上網睇吓嘢寫吓blog，大約40分鐘之後拆番D curlers落嚟，
個效果係咁嘅，都幾大鬈吓，set頭用佢都幾方便。

但set完去街就一定要搽定型水，如果唔係未夠一個鐘就直返7788架啦。

注意：我set嘅時候頭髮係全乾嘅，所以要耐D先有鬈髮效果，
如果你濕髮時整，再用風筒吹乾就唔駛用咁耐時間，
卷之前噴定型水或拆完之後即刻噴都會令個型可以hold得好D。

仲有，唔好太貪心，一個curler卷太多頭髮，咁樣要用嘅時間仲耐，
而且D頭髮會冇咁鬈。

唔知豬扒妹肯唔肯玩呢個呢？