第58款：雙半荷蘭辮轉三手荷蘭辮（3級難度）15分鐘

第58款：雙半荷蘭辮轉三手荷蘭辮（3級難度）15分鐘

呢一款鬢辮特色係較為立體，因為荷蘭辮做出來嘅效果係突出，

唔同法國辮將髮辮收入去，較為隱藏。

首先左右兩邊各鬢一條半荷蘭辮，由下面加入頭髮，做出來頭頂會比較平滑；

一直加到去頸對上髮腳位置，以三手荷蘭辮方式加鬢約一吋（約一至兩手），

用橡皮筋綁緊。當兩條半荷蘭辮完成，中間應該會有頭髮剩低，

將兩條荷蘭辮（作為第一第三手）加入餘下頭髮（作為中間第二手），

織成一條三手荷蘭辮至結尾。

比較法國辮，荷蘭辮就好似一條邊包住個頭，彷如一個花冠套在頭上。

稍後再示範法國辮就會睇到個分別。