第64款：雙半法國辮之1（2級難度）10分鐘

第64款：雙半法國辮之1（2級難度）10分鐘

這一款係兩條盤結於頭上方嘅半法國辮，好似冇咩特別，
但因為係條半法國辮係由下面加頭髮，做出嚟會比較有立體感，
而且兩條係唔同長度，亦都唔係兩邊平衡位置，不同於一般雙法國辮。

我試咗三種收尾方法，呢個係第一款。

首先我以半法國辮由右邊頭頂開始，只由下面加入頭髮，
由右邊前方一直鬢到大約右耳對上，開始轉彎打橫鬢到大約左耳後對上，
之後以三手辮鬢到尾。

左邊由額上開始，以半法國辮方法，都係由下面加頭髮，
鬢到另一邊辮隔離，去到該條法國辮轉三手辮位置停，同樣以三手辮編到尾。

現在有兩條三手辮垂喺左耳對上。

第一款收尾方法係將兩條三手辮互扭成一條麻花咁，
之後以橡皮筋綁埋一齊；呢種方式最好係兩條辮織得幼細D，
唔好織太大條辮，加太多頭髮，我呢次示範都略嫌粗咗D。