豬扒妹畫畫

豬扒妹畫畫

上兩個星期，豬扒妹叫我喺佢個圖畫板度畫蝴蝶，我就畫咗一隻蝴蝶俾佢。

佢好開心，因為佢係typical女仔，最鍾意蝴蝶、花花、粉紅色、公主、fairies等，
點知跟住豬扒妹就擦咗我畫俾佢嘅蝴蝶，

我問佢：「做咩擦咗蝴蝶呀？又係你叫媽媽畫嘅？」
豬扒妹：「我識畫呀，我畫俾你睇。」

好啦，好快佢就畫咗一朵花，呢個係我之前教佢畫嘅花，佢畫到好似太陽花咁，
再畫多咗隻蝴蝶，雖然隻蝴蝶得一對翼又細咗D，但基本上係畫得到細節出嚟。

今年佢3歲幾，我對佢有咁嘅畫畫觸覺，覺得好amazing，
因為佢可以觀察到事物嘅細微特徵，畫得好唔好、靚唔靚，
反而係其次，我唔會想個女識飛天，佢只要鍾意就好；
我自己都係由3歲開始鍾意畫畫，婆婆話我細過冇嘢玩，
得閒冇事就自己拎筆同紙畫嘢，而事實上我真係好鍾意畫畫，
咩都畫一餐，最鍾意畫紙公仔幫佢地做衫，以前同妹妹糖糖有好多盒紙公仔，
可惜而家唔知去晒邊，唔知會唔會係以前執屋掉晒，如果仲有留低就正啦。

等豬扒妹大D，我會教佢畫媽媽同糖糖姨姨細個玩嘅紙公仔，
希望佢都會鍾意啦，畫畫俾到好多樂趣俾我，我想豬扒妹都可以體驗到。