第63款：打斜織法國辮（2級難度）10-15分鐘

第63款：打斜織法國辮（2級難度）10-15分鐘

呢個係早幾日喺公司自己紥嘅款式，識紥法國辮一D都唔難，

都係一邊鬢一邊加入兩邊頭髮，所不同嘅係條辮係打斜鬢，

由中間偏左手邊開始，我係大約六（右）四（左）分界，

如果你都係分側界，就由少D頭髮果邊開始，容易好多。

鬢嘅時候由左向右織，一直去到所有頭髮都加入晒條辮度，

之後再續鬢三手辮到結尾。

呢幾張相可以睇得清楚條辮係打斜嘅。

因為打斜織，前面睇個頭係會喺左邊拱起少少嘅，係正常嘅。

呢個髮型難度在於要打斜由一邊頂鬢去另一邊嘅髮腳，

織織吓唔係好就手，秘訣係練習練習練習，多D紥就會進步。

我都講過，我係得閒就玩頭髮嘅人，以前坐喺Office等架電腦跳去下一個screen，

我會拎把較剪剪吓開叉頭髮，隻手得閒會練下鬢辮，而家寫呢個blog，

我真係有咩靈感就會試吓，睇吓係咪得同好唔好睇，個返工袋裏面，

而家有五枝顏色markers同一大叠白紙，諗到就畫低。