呢個係無聊時拎起D頭髮玩諗到，自己織完好似唔多睇到同普通魚骨辮嘅分別，
但因為紥法有唔同，我肯定有分別，於是捉咗豬扒妹做實驗。
最初做法同普通魚骨辮一樣，頭髮平分兩組（1、2），
一樣係由每一邊（1）加頭髮入另一邊（2），
但包邊魚骨辮加頭髮唔係直接由前面加入2，
而係先繞過頭髮1同2後面，再拉去2前面，圍住咗2先再加入2嘅頭髮度，
之後又從2拉出一小束頭髮，繞過頭髮1、2後面，再從後繞到1前面，
圍住咗頭髮1先再加入1之頭髮內，如此類推。
織出嚟望落同普通魚骨辮冇咩分別，但其實係有嘅。
呢一個係普通魚骨辮表面個樣。
呢個係普通魚骨辮嘅底個樣。
呢個係包邊魚骨辮嘅表面，好似一樣，係咪？
呢個就係包邊魚骨辮嘅底，睇到分別嗎？
個分別其實係好似呢個圖咁，中間頭髮由另一組頭髮包住。
拎上手摸吓，分別立見：包邊魚骨辮條辮圓D實D，而普通魚骨辮就係粗而扁平嘅，
至於難度都係差不多，但包邊魚骨辮因為由後面繞去前面再加頭髮，
織嘅時候最好要緊手D，拉緊D，雖然都唔會甩，但如果織到後來再想拉緊，
就會好難做得平滑。如果你小朋友頭髮係layered，好似豬扒妹咁散，
就要整實D，唔係短D嘅頭髮就飛晒出嚟啦。
No comments:
Post a Comment