喂，靚女

喂，靚女

囡囡踏入3歲時，開始知道咩係靚，因為只要著裙就會有人讚佢靚，
婆婆啦、爸爸啦，個頭髮整得精緻D果日又會有人讚佢靚。
有時我都會用佢玩吓邊個靚女嘅遊戲。

李太：邊個靚呀？

豬扒妹：我（以前佢會話媽咪，而家會話自己）

李太：，咁媽咪呢？媽咪係咪靚女呀？

豬扒妹：媽咪都係靚女。

李太：咁媽咪同妹妹邊個靚D？

豬扒妹：我。

李太：吓？咩話？

豬扒妹：（笑）唔係，媽咪靚D。

李太：咁妹妹呢？

豬扒妹：我都靚。

 

哈哈，有時都覺得自己攞命，一個肥C奶加一個豬扒女，兩個都話係靚女，

死未，聽完有冇想嘔？

喂喂喂，俾俾面好喎。