三藩市巴士站

巴士站

每日李太都會搭巴士返工，放工就有李生接埋我，之後去湊對仔女放學，
有時我地會去拍吓拖買吓嘢兒再去學校，叫做每日都有約半個鐘嘅二人世界。

講返三藩市嘅巴士（呢度叫MUNI），幾年前初初移民嚟到，搵巴士站都幾煩，
因為唔係個個站都係完完整整一個有蓋物體，

有D只係街邊一條電燈柱，油上巴士號碼，

有D甚至只係喺路邊油條紅線，寫住BUS STOP，

我妹同妹夫嚟玩果陣，就係成日都搵唔到個站喺邊度。

而家幾年後，三藩市巴士站都更新咗好多，好多已經有瓦遮頭，

甚至有凳坐，

有地圖，有班期表等等。

最正係有埋電子牌，俾你睇時間，睇到班車幾時到，

有D甚至有audio，俾盲人聽到班次schedule。

如果你有可以上網嘅手機，仲可以上網www.nextmuni.com睇吓班車幾時到，
so far都幾準吓。