第68款：法國辮半馬尾（2級難度）5分鐘

第68款：法國辮半馬尾（2級難度）5分鐘

點解叫半馬尾呢？

因為唔係成條馬尾織晒，而係只拎一小束頭髮整，千萬唔好貪心，
太大條會睇唔到個款架。

先束一條馬尾，然後抓起上方一小束頭髮，約係整條馬尾五分之一，

以法國辮做法，由左右加入頭髮，但加嘅時候唔好由側邊加，
要由馬尾底部抽頭髮加，做成好似幾束頭髮包住條馬尾嘅效果。

唔駛織到落尾，我織少於馬尾一半長度，之後就以三手辮織完條鬢辮。

呢一款可以為一條平平冇奇嘅馬尾增添變化，而且唔一定要好長頭髮先整到，
不過我會suggest最少織三組法國辮，太少睇唔到個效果。