染髮小貼士
我自己染髮十年有多，以前未結婚有餘錢，份工都需要打扮，
要有個靚樣見人，所以當時我會去髮型屋染加Highlight，
一來因為自己懶，人家專業染又染得好。
之前因為懷孕加上餵人奶，我足足有4年沒有染髮，
兩年前囡囡戒奶，我發現白髮真係多得嚇人，個人就像老了10年8年，
但出去染髮太貴，而家有錢都用於對仔女身上，於是又再開始自己染髮的日子。
試過好多隻不用品牌染髮品，看雜誌找到一些小貼士，現與大家分享：
1）染髮前最少1日不用洗頭水洗髮，如果頭髮較乾，最好不用洗頭水之餘，
淨用護髮素洗最少1日先染，這樣就沒有那麼傷頭髮。
2）染完沖水時不要用洗髮水洗，只用清水沖，顏色會較為均勻持久。
3）沖水時最好用涷水，如果怕冷，最低限度用溫水，千萬不要用熱水，
因為會令顏色不均勻，亦沒有那麼持久。
4）選髮色最好是比自己髮色深或淺不超過兩度，染太深或太淺色，
當頭髮長長時，一截截色會非常難看。
5）如果有一把長頭髮，例如長髮過肩，買染髮劑最好一次買兩盒，
因為如果染的時候染髮劑不夠用，可以即時加添。
6）如果較多白髮，要留意清楚買的染髮劑有沒有寫明是否可以遮蓋白髮，
因為不是每一隻品牌或配方都可以，否則染完等於沒有染就浪費時間金錢。
No comments:
Post a Comment