豬扒妹跟彭彭是ABC第二代（第一代是肥四），他們的廣東話就是香港人所說的竹昇仔女半鹹不淡，有時鬧出很多笑話，特別是香港太多口頭禪太多俚語，很多時只是聲調不同就有天壤之別的意思。近來我讓孩子看多啦A夢（我小時候叫叮噹，我心目中他一直都是叮噹）廣東話版卡通片，他們看很津津有味，還意外地學了很多廣東話，但其實我懷疑他們明白箇中意思有多少。且說我和豬扒妹的對話讓大家笑一下：
1）去圖書館的路途中。。。
豬扒妹：媽咪，你知道多啦A夢有一集講個摸實屁股嗎？
媽媽：吓？摸實屁股？點解要摸實屁股？
豬扒妹：係呀，果個係叫摸實屁股喎。
媽媽：即係。。。摸實個屁股？（我拍一下她的屁股）
豬扒妹：Hey，即係magic butts呀。
媽媽：噢！果個應該係魔術屁股，唔係摸實呀。
2）不一會又說有關叮噹的另一個法寶。。。
豬扒妹：多啦A夢仲有魔術兔子喎。
媽媽：哦，咁果隻兔仔做咩架？
豬扒妹：唔係rabbit呀，係belly。
媽媽：OK，咁就係肚子，唔係兔子。
豬扒妹：（望著我，很不解那兩個音的分別）。。。
媽媽：肚子belly，兔子rabbit（頭上有三條線出現了）
3）新曆新年，教孩子跟遠方的舅父舅母姨姨姨丈表哥在Whatsapp發語音祝賀新年。。。
豬扒妹：Ah ah ah。。。blah blah blah（媽媽頭上有三條黑線，妹妹就大笑）
彭彭：姨姨表章仔。。。
媽媽：姨丈。。。
彭彭：姨丈表章仔。。。
媽媽：表哥仔。。。
彭彭：表哥仔Happy New Year
4）大年初一，教孩子說「恭喜發財身體健康」，又是發Whatsapp語音跟舅父舅母姨姨姨丈表哥拜年。。。
豬扒妹：恭喜發財身體健康！
彭彭：恭體發財身。。。。
媽媽：唔係呀，再講一次，恭喜發財身體健康
彭彭：恭喜發財身體健康
5）上一次總統連任選舉，婆婆去投票後拿到一個貼紙，寫了voted的字樣，學校老師也有說有關Election Day去投票是公民責任。
豬扒妹：婆婆去做咩呀？咩叫vote？
媽媽：（想用最簡短的話去解釋）即係去選總統。
豬扒妹：哦～損咗真係會痛痛地果喎。（表情十分認真的答我）
媽媽：。。。。
例子數不勝數，還有肥四以前分不清蝦和蟹，廣東話有九聲，國語才四聲，所以我的國語人上司學了幾十年都學不好，我這個英文人老公就不要說了。
No comments:
Post a Comment